مەكتەبی سكرتارییەت: فەرماند فاروق عەزیز بووبووە مەچەكێكی بەهێزی پێشمەرگە

راگەیاندنی مەكتەبی سكرتارییەتی سەرۆك مام جەلال

سەردانی مەكتەبی سكرتارییەت بۆلای فەرماندەو تێكۆشەر فاروق عەزیز قادر

رۆژی 29ـی 1 ـی 2026، وەفدی مەكتەبی سكرتارییەتی سەرۆك مام جەلال لەسلێمانی سەردانی فاروق عەزیز قادر فەرماندەو تێكۆشەری دێرین و سەرۆكی كۆمەڵەی پێشمەرگە دێرینەكانی یەكێتیی نیشتمانیی كوردستانی كرد .

ئەندامانی وەفدی مەكتەبی سكرتارییەت، لەنزیكەوە لەبارودۆخی تەندروستی هەڤاڵ فاروق یان پرسییەوەو بەهۆی نەخۆشكەوتنییەوە، هیوای تەندروستی باشتر و سەلامەتی هەمیشەییان بۆ خواست . 

 مەكتەبی سكرتارییەتی سەرۆك مام جەلال بەڕێزەوە رابردووی پاك و پڕ لەسەروەری هەڤاڵ فاروق یان خستەوە بەر باس وەك فەرماندەیەكی ئازاو دوژمن شكێن لەسەنگەرەكانی روبەڕوبوونەوەدا دەوەستایەوەو بووبووە مەچەكێكی بەهێزو قایمی هێزەكانی پێشمەرگە و لەناو هەڤاڵەكانیدا بە دڵسۆز و خۆنەویست ناویان دەهێنا، لەبەرامبەر ئەو رابردووە پاك و دانەبڕاوەشدا پەیامی یەكێتییانەی سەرۆك بافڵ و قوباد تاڵەبانی ـیان ئاڕاستە كردوو چەپكە گوڵی رێزو وەفایان پێشكەشكرد .

لایخۆیەوە، فەرماندە فاروق عەزیز وێڕای خۆشحاڵ بوونی بۆ بەسەركردەوەكەی و رایگەیاند: پێشمەرگایەتیمان كردە فاكتەری بەهێزی گەلەكەمان بۆ روبەڕووبوونەوەی دوژمن، لەشاریشدا هەڤاڵێكی دڵسۆز بووین بۆ هاوڕێ پێشمەرگە دانەبڕاوەكانی شۆڕشی نوێی گەلەكەم.

PUKMEDIA