له‌تیف نێروه‌یی: میدیای كوردی هه‌مان هه‌ڵه‌ی كاتی تیرۆرستان دووباره‌ ده‌كه‌نه‌وه‌

AI

ژنە رۆژنامەنووسێکی بەرەکانی جەنگ

لێپرسراوی بۆردی راگه‌یاندنی یه‌كێتیی نیشتمانیی كوردستان رایدەگەیەنێت: چه‌ند رۆژێكه‌ ژماره‌یه‌كی زۆر له‌ میدیاكارانی باشووری كوردستان كێبڕ‌كێیانه‌ له‌سه‌ر ئه‌وه‌ی په‌یامنێری كامه‌ كه‌ناڵ زووتر و زیاتر بچێته‌ سه‌نگه‌ری پێشه‌وه‌ی شه‌ڕ‌ڤانان و راسته‌وخۆ رووماڵی شه‌ڕ‌ه‌كه‌ بكه‌ن و دیمه‌نی سه‌نگه‌ره‌كان و جۆری چه‌ك و ژماره‌ی هێزه‌كان بڵاوبكه‌نه‌وه‌، ئه‌مه‌ش هه‌ڵه‌یه‌كی زۆر مه‌ترسیداره‌ و هه‌میشه‌ هێزه‌ شه‌ڕ‌كه‌ره‌كان له‌ جیهاندا پاره‌یه‌كی زۆر خه‌رج ده‌كه‌ن بۆ به‌ده‌ستهێنانی ئه‌و جۆره‌ زانیارییانه‌، دەشڵێت:میدیای كوردی له‌ئێستادا له‌سه‌نگه‌ره‌كانی پێشه‌وه‌ی هێزه‌كانی هه‌سه‌ده‌ له‌ رۆژئاڤادان، هه‌مان ئه‌و هه‌ڵه‌یه‌ دووباره‌ ده‌كه‌نه‌وه‌ كه‌ كاتی خۆی تیرۆرستانی داعش سوودیان له‌و هه‌ڵانه‌ ده‌بینی.

له‌تیف نێروه‌یی لێپرسراوی بۆردی راگه‌یاندنی یه‌كێتیی نیشتمانیی كوردستان له‌ وتارێكدا كه‌ له‌ كوردستانی نوێ بڵاویكردوه‌ته‌وه‌  رایگه‌یاندوه‌: میدیای كوردی له‌ئێستادا له‌سه‌نگه‌ره‌كانی پێشه‌وه‌ی هێزه‌كانی هه‌سه‌ده‌ له‌ رۆژئاڤادان، هه‌مان ئه‌و هه‌ڵه‌یه‌ دووباره‌ ده‌كه‌نه‌وه‌ كه‌ كاتی خۆی تیرۆرستانی داعش سوودیان له‌و هه‌ڵانه‌ ده‌بینی، هه‌ڵه‌كه‌ش ئه‌وه‌یه‌ كه‌ به‌بێ ئه‌وه‌ی له‌ مه‌ترسی و زیانه‌كانی بگه‌ن كۆمه‌ڵێك زانیاری گرنگ له‌سه‌ر سه‌نگه‌ره‌كه‌ و ژماره‌ی هێزه‌كان و جۆری چه‌كه‌كان بڵاوده‌كه‌نه‌وه‌. 

ئه‌وه‌شی خستووه‌ته‌ڕوو: چه‌ند رۆژێكه‌ ژماره‌یه‌كی زۆر له‌ میدیاكارانی باشووری كوردستان كێبڕ‌كێیانه‌ له‌سه‌ر ئه‌وه‌ی په‌یامنێری كامه‌ كه‌ناڵ زووتر و زیاتر بچێته‌ سه‌نگه‌ری پێشه‌وه‌ی شه‌ڕ‌ڤانان و راسته‌وخۆ رووماڵی شه‌ڕ‌ه‌كه‌ بكه‌ن و دیمه‌نی سه‌نگه‌ره‌كان و جۆری چه‌ك و ژماره‌ی هێزه‌كان بڵاوبكه‌نه‌وه‌، ئه‌مه‌ش هه‌ڵه‌یه‌كی زۆر مه‌ترسیداره‌ و هه‌میشه‌ هێزه‌ شه‌ڕ‌كه‌ره‌كان له‌ جیهاندا پاره‌یه‌كی زۆر خه‌رج ده‌كه‌ن بۆ به‌ده‌ستهێنانی ئه‌و جۆره‌ زانیارییانه‌. 

له‌تیف نێروه‌یی هۆكارەکەی بۆ ئه‌وه‌ ده‌گه‌ڕ‌ێنێته‌وه‌، كه‌ میدیای كوردی میدیاكاری جه‌نگییان زۆر كه‌مه‌، هه‌روه‌ك هێزه‌كانیش وه‌كو پێویست له‌ مه‌ترسییه‌كانی بڵاوكردنه‌وه‌ی ئه‌و زانیاریانه‌ تێناگه‌ن، ئه‌گینا رووماڵی میدیایی له‌ سه‌نگه‌ری پێشه‌وه‌ی شه‌ڕ‌ قه‌ده‌غه‌ یان سنوردار ده‌كه‌ن.

لێپرسراوی بۆردی راگه‌یاندنی یه‌كێتی ئاماژه‌ بۆ ئه‌وه‌شده‌دات، راسته‌ رۆیشتنی ئه‌و تیمانه‌ی میدیای هه‌رێمی كوردستان بۆ رۆژئاوای كوردستان گرنگیی زۆری هه‌یه‌ كه‌ نامه‌وێت له‌سه‌ر گرنگییه‌كه‌ی بپه‌یڤم، به‌ڵام گه‌ره‌كه‌ سه‌رچاوه‌ میدیاییه‌كان بزانن كامه‌ تیم بنێرن و ئه‌و تیمانه‌ش بزانن له‌ كوێ و به‌ چ شێوازێك رووماڵی رووداوه‌كان بكه‌ن.

PUKMEDIA