ڕفعەت عەبدوڵڵا: کۆبانێ بووە رەمزی یەکگرتنی گەلەکەمان

نوسینگەى رۆژنامەوانى رەفعەت عەبدوڵڵا

ڕفعەت عەبدوڵا جێگری سەرۆکی یەکێتیی نیشتمانیی کوردستان

لەساڵیادی (داستانی ڕزگارکردنی کۆبانێ)دا ڕفعەت عەبدوڵڵا جێگری سەرۆکی یەکێتیی نیشتمانیی کوردستان، لەپەیامێکدا رایگەیاند: بەڕێزو شکۆوە یادی شەهیدانی تۆمارکردنی نەبەردی تێکشکاندنی تیرۆریستانی داعش لەکۆبانێ دەکەینەوە و سڵاوو وەفاداری بۆ شەڕڤانە بەجەرگەکان و پێشمەرگە قارەمانەکان کەبەپشتیوانی هاوپەیمانی نێودەوڵەتی، بەبەرگرییەکی بێوێنەو ئەفسانەییەوە داعش و تیرۆریستانیان لەبەردەم ئیرادەی ئازاو ئازادی گەلی کورددا تێکشکاندو کۆبانی بووە رەمزی یەکگرتنی گەلەکەمان و شکستێکی جوگرافی وێرانکەر بوو بۆ تیرۆریستانی داعش.

دەقی پەیامەکە:

لەساڵیادی (داستانی ڕزگارکردنی کۆبانێ)دا پیرۆزباییەکی گەرم لەسەرجەم کوردستانیان و تێکڕای ئازادیخوازانی جیهان دەکەم و بەڕێزو شکۆوە یادی شەهیدانی تۆمارکردنی نەبەردی تێکشکاندنی تیرۆریستانی داعش لەکۆبانێ دەکەینەوە.

سڵاوو وەفاداری بۆ شەڕڤانە بەجەرگەکان و پێشمەرگە قارەمانەکان کەبەپشتیوانی هاوپەیمانی نێودەوڵەتی، بەبەرگرییەکی بێوێنەو ئەفسانەییەوە داعش و تیرۆریستانیان لەبەردەم ئیرادەی ئازاو ئازادی گەلی کورددا تێکشکاندو کۆبانێ بووە رەمزی یەکگرتنی گەلەکەمان و شکستێکی جوگرافی وێرانکەر بوو بۆ تیرۆریستانی داعش.

مەخابن دوای 11ساڵ، کەئەم یادە دەکەینەوە جارێکی تر کۆبانێ بەرەو ڕووی هێرشی دڕاندانەو داگیرکاری دەبێتەوە، دڵنیاین بەیەکگرتوویی و ئیرادەی ئازادیخوازی گەلەکەمان، کوردستان بەسەرفرازی دەمێنێتەوەو سەردەکەوێت و تیرۆریستان و هاوشێوەکانیان وەک هەمیشە ڕوورەشی مێژوو مرۆڤایەتی دەبن.

ڕفعەت عەبدوڵا
جێگری سەرۆکی یەکێتیی نیشتمانیی کوردستان

PUKMEDIA