‎سبەینێ چاوەکانی سێ پایتەخت لەسەر نزار ئامێدین

PUKMEDIA

نزار ئامێدی

‎سبەینێ چاوەکان لە بەغدادی پایتەختی عیراقی فیدراڵ، قەڵاچوالانی پایتەختەکەی میرانی بابان و هەوارگەو مەڵبەندی بڕیاردانی سەرۆک مام جەلال ، ئامێدی پایتەختی میرنشینی بادینان ، لەسەر هەڵبژاردنی نزار ئامێدی  تاکە کاندیدەکەی یەکێتیین.
‎
سبەینێ خوێندکارێک کە لە قەڵاچوالان لەسەر دەستی  مام جەلالی مامی هەمووان پەروەردەی سیاسی ، دیپلۆماسی ، هزری ، کوردایەتی ، نیشتمان پەروەری ، پشوو درێژی  ، لێبوردەیی ، پێکەوەژیان  و دەست و داوێن پاکی کراوە … ئەرکێکی سەخت و مێژوویی بکەوێتە  سەرشانی و دەیانەوێت لەڕێی ئەو ئەرکەوە درێژە بەڕێبازی مامۆستاکەی خۆی بدات و سیاسەتی چەپکە گوڵەکە پەیڕەو بکات و پەیوەندییەکانی نێوان هەولێرو بەغداد ئاسایی بکاتەوەو کێشەکان چارەسەر بکات و خزمەتی هەموو گەلانی عيراق بکات بەبێ جیاوازی بەتایبەتی گەلی کوردستان .

‎سبەینێ .. بەڵێ سبەینێ ، زۆربەی خەڵکی کوردستان و هەموو عیراق چاویان لە هەڵبژاردنی کاندیدێکە کە لەبادینان چاوی بەژیان هەڵهێناوەو بۆیەکەم جار لە مەملەکەتی ئەحمەدی ناڵبەند چاوی بە لوتکەی شاخەکانی گارەو مەتین کەوتووەو  لە شاری موسڵ بڕوانامەی زانستی بەدەست هێناوەو لە سلێمانی و قەڵاچوالان ژیاوەو قاڵبووی خەباتی سیاسی بووەو لەبەغدادی پایتەختیش بۆ ماوەی 23 ساڵ لەخەباتی دیپلۆماسی پەروەردە و جۆشدراوە .

سبەینێ هەمووان چاویان لەسەر هەڵبژاردنی کاندیدێکی سادەو خاکییە بۆ پۆستی سەرۆک کۆمار و خوازیاری ئەوەن لەدوای هەڵبژاردنی ، بەدەنگێکی بەرز بڵێن  پیرۆزە لە بەغدادی پایتەخت ، پیرۆزە لە پایتەختەکەی بادینان ، پیرۆزە لە سلێمانی و قەڵاچوالان ، پیرۆزە لە هەولێرو سۆران ، پیرۆزە لەهەمووان ، پیرۆزە لە کاک نزار ئامێدی نوێنەر و کاندیدەکەی یەکێتیی نیشتمانیی کوردستان .

PUKMEDIA