شێخ جه‌عفه‌ر بۆ ئه‌مریكا: سوپاسی هاوكارییه‌كانتان ده‌كه‌ین

نوسینگەى راگەیاندنى شێخ جەعفەر شێخ مستەفا

شێخ جەعفەر جێگری سەرۆکی هەرێمی کوردستان و ئەندرۆ دۆنیکا یاریدەدەری سکرتێری کاروبارەکانی عیراق بە وەکالەت

شێخ جه‌عفه‌ر شێخ مسته‌فا جێگری سه‌رۆكی هه‌رێمی كوردستان، له‌ واشنتۆن، له‌گه‌ڵ ئه‌ندرۆ دۆنیكا، یاریده‌ده‌ری سكرتێری كاروباره‌كانی عیراق به‌ وه‌كاله‌ت، له‌ نووسینگه‌ی كاروباری رۆژهه‌ڵاتی ناوه‌ڕ‌است له‌ ئه‌مریكا، كۆبووه‌وه‌.

جێگری سه‌رۆك سوپاس و پێزانینی هه‌رێمی كوردستانی بۆ پاڵپشتی و یارمه‌تییه‌ به‌رده‌وامه‌كانی ئه‌مریكا له‌عیراق و هه‌رێمی كوردستان ده‌ربڕ‌ی، هه‌روه‌ها رۆڵی هێزه‌كانی هاوپه‌یمانیی نێوده‌وڵه‌تیی دژ به‌ داعشی له‌پێناو پاراستنی ئارامی و سه‌قامگیریی ناوچه‌كه‌دا، به‌ پێویست و كاریگه‌ر له‌ قه‌ڵه‌م دا.

لای خۆیه‌وه‌ ئه‌ندرۆ دۆنیكا دووپاتی كرده‌وه‌، كه‌ ئه‌مریكا به‌لایه‌وه‌ گرنگه‌ له‌پێناو ئاشتی و ئارامیی ناوچه‌كه‌، ئازادیی و دادپه‌روه‌ری له‌ڕ‌ۆژهه‌ڵاتی ناوه‌ڕ‌است بایه‌خی زیاتری پێبدرێت، هه‌روه‌ها جه‌ختی له‌ به‌رده‌وامیی په‌یوه‌ندییه‌كان و په‌ره‌پێدانی هاریكاریی هاوبه‌ش له‌گه‌ڵ عیراق و هه‌رێمی كوردستاندا، كرده‌وه‌.

رووداو و په‌ره‌سه‌ندنه‌كانی ئه‌م دواییه‌ی ئێران و سووریا، ته‌وه‌رێكی دیكه‌ی گفتوگۆكانی كۆبوونه‌وه‌كه‌ بوو، تیایدا بیروڕ‌ا له‌باره‌ی لێكه‌وته‌كانیان به‌سه‌ر ناوچه‌كه‌وه‌، ئاڵوگۆڕ‌ كرا.

PUKMEDIA