شێخ جەعفەر و هایمس تەئکید لەڕێکخستنەوەی هێزی پێشمەرگە دەکەنەوە

نوسینگەی رۆژنامەوانی شێخ جەعفەر شێخ مستەفا

شێخ جەعفەر شێخ مستەفا و جیم هایمس

لە بارەگای کۆنگرێسی ئەمریکا لە واشنتۆن، شێخ جەعفەر شێخ مستەفا جێگری سەرۆکی هەرێمی کوردستان لەگەڵ جیم هایمس ئەندامی کۆنگرێسی ئەمریکا، کۆبووەوە.

لە کۆبوونەوەکەدا، وێڕای خستنەڕووی پێشهات و گۆڕانکارییە سیاسی و ئەمنییەکانی عیراق و ناوچەکە، پەیوەندييه‌كانى نێوان ئەمریکا لەگەڵ عیراق و هەرێمی کوردستان، پێکهێنانی کابینەی نوێی حکومەتی هەرێمی کوردستان و کێشە و ناکۆکییەکانی نێوان بەغدا ـ هەولێر، گفتوگۆیان لەبارەوە کرا.

لە بەشێکی دیکەی کۆبوونەوەکەدا، پرۆسەی چاکسازیی و رێکخستنەوەی پێشمەرگە خرایە بەر باس و هەردوولا لەسەر پێویستیی سەرخستنی پرۆسەکە و خێراکردنی ئەو قۆناغانەی کە ماون، هاوڕا بوون.

PUKMEDIA