هۆکاری پچڕانی کارەبا لە سلێمانی ئاشکرا دەکرێت

PUKMEDIA

سلێمانی

زیاتر لە نۆ سەعاتە بە شێکی زۆری گەڕەک و قەزا و ناحییەکانی پارێزگای سلێمانی، کارەبای نیشتمانییان بڕاوە و بەڕێوەبەری راگەیاندنی کارەبای پارێزگاکەش دەڵێت: کێشەکە بەهۆی دابەزینی فریکوێنسییەوە روویداوە و لە هەوڵی چارەسەرکردنیداین.

سیروان محەمەد بەڕێوەبەری راگەیاندنی کارەبای سلێمانی بە PUKMEDIA ی راگەیاند: بەهۆی کێشەی فریکوێنسییەوە بەشێکی زۆری گەڕەکەکانی سلێمانی و بەشێکی زۆری قەزا و ناحییەکانی پارێزگاکە لە بەیانی ئەمڕۆوە بێکارەبا بوون و دیار نییە کەی ئەو کێشەیە چارەسەر دەبێت.

راشیگەیاند: هەوڵەکانی کارەبای سلێمانی و هەولێر بەردەوامە بۆ چارەسەرکردنی کێشەکە و گەڕانەوەی کارەبای نیشتمانیی بۆ هاووڵاتیان.

لە بارەی هۆکاری کێشەکەوە بەڕێوەبەری راگەیاندنی کارەبای سلێمانی رایگەیاند: چەند جارێک هەوڵمانداوە ئەو فیدەرانەی کە کارەبایان نییە، کارەبایان بۆ بگێڕینەوە بەڵام بەهۆی دابەزینی فریکوێنسییەکانەوە، نەتوانراوە پێدانی کارەبا بەردەوام بێت.

PUKMEDIA