هەسەدە: دیمەشق مەرجەکانی رێککەوتنی کشانەوەی پێشێل کردووە

PUKMEDIA

ئاڵای سوریا و هەسەدە

هێزەکانی سوریای دیموکرات رایدەگەیەنێت دیمەشق مەرجەکانی رێککەوتنی کشانەوەی لە شارۆچکەکانی دێرحافر و مەسکەنە پێشێل کردووە و داواش لە وڵاتە نێودەوڵەتییەکان دەکات کە بەشداربوون لە رێککەوتنەکە  پەلەبکەن و دەسوەردان بکەن.

هێزەکانی سوریای دیموکرات راگەیەندراوێکی لەسەر دۆخی دێرحافر و مەسکەنە بڵاوکردەوە و رایگەیاند: لەسەر بنەمای ئەو رێککەوتنەی کە لەسەر ئاستی نێودەوڵەتی پشتگیری کرابوو، دەبوو هێزە چەکدارەکانی سوریا دوای کشانەوەی تەواوی هێزەکانیان بچنە ناو شارۆچکەکانی دێرحافر و مەسکەنە بەڵام دیمەشق مەرجەکانی رێککەوتنەکەی پێشێل کردوە.

ئاماژەی بەوەشکردووە: پێش کشانەوەی هێزەکانی هەسەدە، چەکدارەکانی سوریا چونەتە ناو شارۆچکەکانەوە و ئەمەش رەوشێکی زۆر مەترسیداری دروستکردوە.

هەسەدە لە کۆتای راگەیەندراوەکەیدا داوا لە وڵاتە نێودەوڵەتییەکان دەکات، کە بەشداربوون لە رێککەوتنەکە ، پەلەبکەن و دەسوەردان بکەن بۆ دڵنیابون لە جێبەجێکردنی ڕیککەوتنەکە وەک خۆی و رێگریکردن لە پەرەسەندنی گرژییەکان.

PUKMEDIA