دەرباز کۆسرەت رەسوڵ و کونسوڵی گشتی بەریتانیا: دۆخەکە هەستیارە و پێویستە لێکتێگەیشتنی هاوبەش بێتە ئاراوە

نوسینگەى راگەیاندنى دەرباز کۆسرەت رەسوڵ عەلى

دەرباز کۆسرەت رەسوڵ و کونسوڵی گشتی بەریتانیا

ئەمڕۆ پێنجشەممە 15-1-2026 دەرباز کۆسرەت رەسوڵ، ئەندامی مەکتەبی سیاسیی و لێپرسراوی مەکتەبی پەیوەندییەکانی یەکێتیی نیشتمانیی کوردستان لە بارەگای مەکتەبی سیاسی لە شاری هەولێر پێشوازیکرد لە "ئەندرو بیزلی" کونسوڵی گشتی بەریتانیا لە هەرێمی کوردستان.

لە دیدارەکەدا بارودۆخی ناوچەکە و دۆخی سوریا و پێشهاتە سیاسییەکان و پرسی پێکهێنانی هەردوو کابینەی حکومەتی هەرێم و عیراق گفتوگۆی لەبارەوەکرا.

دەرباز کۆسرەت رەسوڵ هەڵوێستی یەکێتیی نیشتمانیی کوردستانی لەبارەی دۆخی سوریا خستەڕوو، رایگەیاند: کورد گەلێکی ئاشتیخوازە، پێویستە مافی پێکهاتەی کورد و سەرجەم پێکهاتەکانی دیکە لە سوریا پارێزراوبێت لە چوارچێوەی مافی مرۆڤ و یاسا نێودەوڵەتییەکان.

هەروەها هەردوولا هاوڕاوبوون کە دۆخی ناوچەکە هەستیارە و پێویستە لەبری شەڕ و بژاردەی توندوتیژی گفتوگۆ و لێکتێگەیشتنی هاوبەش لەسەر بنەمای پێکەوە ژیانی ئاشتیانە بێتە ئاراوە.

لەبارەی پرسی پێکهێنانی کابینەکانی حکومەتی عیراق و هەرێم، جەخت لە گفتوگۆکان لەسەر بنەمای لێکتێگەیشتن و پڕۆژەی گشتگیر بۆ خزمەتی کۆمەڵانی خەڵک، کرایەوە.

PUKMEDIA