كاركردن لەپڕۆژەی دووسایدی رێگەی نێوان دوكان - چوارقوڕنە چڕدەكرێتەوە

كوردستانی نوێ

پڕۆژەی دووسایدی رێگەی نێوان دوكان - چوارقوڕنە

كاركردن لەپڕۆژەی دووسایدی رێگەی نێوان دوكان - چوارقوڕنە بەردەوامە، لەوبارەیەوە ئەندازیار محەمەد ئەحمەد بەڕێوەبەری پڕۆژەكە لەكۆمپانیای گەردین گروپ، رایگەیاند: سەرەڕای ناجێگیریی كەشوهەواو باران و بەفربارین، تیمەكانمان بەردەوامن لە كاركردن و سەرقاڵی بڕینەوەو كۆنكرێتكردنن.

راشیگەیاند: پلانمان داڕشتووە لەسەرەتای مانگی داهاتووەوە كارەكانمان چڕتر بكەینەوەو دەست بەقیركردن بكەینەوە، بۆ ئەمەش كەمپی كۆمپانیامان گواستووەتەوە بۆ سنووری ئاریشە لەنزیك خەلەكان.

وتیشی: ئەگەرچی پڕۆژەكە هێشتا جارێكی دیكە لەدیزاین كردنەوەدایەو لەوكاتەشدا ناچار بەكاركردن ناكرێین، بەڵام كۆمپانیا بەهەموو ئامێرو كەرەستەكانییەوە لەكاركردن نەوەستاوەو لەچەندین جێگە لەكارداین، بەشێكی زۆریشی لەڕێگە نوێیەكەیەو لەشەقامە كۆنەكەوە كەئێستا هاتوچۆی لەسەرە نابینرێت.

ئەوەشی خستەڕوو: سەبارەت بەكاری قیركردن تائێستا شەش كیلۆمەتر بە دوو چین قیرتاوكراوە، دوای جێگیربوونی كەشوهەواش دەست دەكەینەوە بەقیركردن و لەمانگی دوودا دەست دەكەین بەدروستكردنی پردی فریزەڵە كە درێژییەكەی 380 مەترە.

PUKMEDIA/ كوردستانی نوێ