مەكتەبی سكرتارییەت: خزمەتەكانی عومەر شێخ موس مایەی شانازییە

راگەیاندنی مەكتەبی سكرتارییەتی سەرۆك مام جەلال

سەردانی وەفدی مەكتەبی سكرتارییەتی سەرۆك مام جەلال بۆلای عومەر شێخ موس

رۆژی 14ی 1ی 2025، وەفدی مەكتەبی سكرتارییەتی سەرۆك مام جەلال لەسلێمانی سەردانی سەركردەو سیاسەتمەدارو ئەندامی دەستەی دامەزرێنەری یەكێتیی نیشتیمانیی كوردستان كاك عومەر شێخ موس-ی كرد .

لەو سەردانەدا ئەندامانی وەفدی مەكتەبی سكرتارییەت، لەنزیكەوە لەبارودۆخی تەندروستی كاك عومەر شێخ موس-یان پرسییەوەو هیوای تەندروست باشییان بۆ خواست.  

مەكتەبی سكرتارییەت مێژووی گەش و پڕ لەتێكۆشان و شانازی كاك عومەر شێخ موس-یان بەڕێزەوە هێنایەوە بەر باس، وەك سەركردەیەكی دیاری نیشتمانی  گەلی كوردو یەكێتی كە لەڕووداوەكاندا رۆڵ و پێگەی دیاربووەو خزمەتەكانیشی بۆ هەمیشە لەلامان مایەی شانازییە.

لای خۆیەوە كاك عومەر شێخ موس خۆشحاڵی خۆی دەربڕی بەو بەسەركردنەوەیەو رایگەیاند: باوەڕبوونمان بە قەزییەی گەلی كورد وەك گەلێكی ستەمدیدە دەرخەریی ئەو راستییە كە نیو سەدەیە لەخەبات و تێكۆشان بەردەوامین .

PUKMEDIA