سەرکەوت زەکی: کۆچی چێنەری عەلی جۆڵا خەسارەتێکی گەورە بوو بۆ میللەتەکەمان و یەکێتی

نوسینگەى راگەیاندنى سەرکەوت زەکی

سەرکەوت زەکی ئەندامی مەکتەبی سیاسی یەکێتیى نیشتمانیى کوردستان

ئەمڕۆ لە سلێمانى مەراسیمی چلەی تێکۆشەر چێنەر عەلی جۆڵا بەڕێوەچوو، کە لە لایەن مەڵبەندی سلێمانی رێکخرابوو، هاوکات لە مەراسیمەکەدا سەرکەوت زەکی، سەرپەرشتیاری مەڵبەندەکانی سلێمانی، چەمچەماڵ لە وتەیەکدا رایگەیاند: "هەڤاڵ چێنەر کادرێکی هۆشیار و راگەیاندنکار و دڵسۆزێکی کەم وێنەی رێگای ئازادی و دادپەروەری بوو، بە کۆچی دوایی، خەسارەتێکی گەورە لە میللەتەکەمان و سلێمانی و یەکێتیی نیشتمانیی کوردستان کەوت".

نوسینگەی راگەیاندنی سەرکەوت زەکی رایگەیاند: ئەمڕۆ شەممە 10ى1ى2026 ، بە ئامادەبوونی سەرکەوت زەکی، ئەندامی مەکتەبی سیاسی یەکێتیى نیشتمانیى کوردستان، مەراسیمێکی شایستە بۆ چلەی ماتەمینی یاساناس و کادری دڵسۆزی یەکێتیی نیشتمانیی کوردستان، چێنەری عەلی جۆڵا، لە هۆڵی تەوار لە شاری سلێمانی بەڕێوەچوو.

ئەوەش خراوەتەڕوو: لە میانەی مەراسیمەکەدا، سەرکەوت زەکی وتارێکی پێشکەش کرد و تێیدا بە ئاماژەدان بە مێژووی پڕ لە سەروەریی کۆچکردوو، رایگەیاند: "هەڤاڵ چێنەر تەنها یاساناسێک نەبوو، بەڵکو کادرێکی هۆشیار و راگەیاندنکار و دڵسۆزێکی کەم وێنەی رێگای ئازادی و دادپەروەری بوو، ئەو وەک ئەستێرەیەکی درەوشاوە لە ریزەکانی یەکێتیی نیشتمانیی کوردستاندا کاری دەکرد و بە کۆچی دوایی، خەسارەتێکی گەورە لە میللەتەکەمان و سلێمانی و یەکێتیی نیشتمانیی کوردستان کەوت".

ئاماژەش بەوەدراوە: یادی ئەم کادرە بە ئەمەک و یاساناسە لێهاتووە هەمیشە بە بەرزی و پیرۆزی لە دڵماندا دەمێنێتەوە.

PUKMEDIA