مەكتەبی سكرتارییەت: رزگار عەلی رۆڵی كارای لەچەسپاندنی سیاسەتی یەكێتیدا گێڕاوە

راگەیاندنی مەكتەبی سكرتارییەتی سەرۆك مام جەلال

سەردانی وەفدی مەكتەبی سكرتارییەت بۆلای هەڤاڵ رزگار عەلی حەمەجان

رۆژی 7ـی 1ـی2026، وەفدی مەكتەبی سكرتارییەتی سەرۆك مام جەلال لەسلێمانی سەردانی هەڤاڵ (رزگار عەلی حەمەجان) تێكۆشەری دێرین و ئەندامی پێشووی مەكتەبی سیاسی یەكێتیی نیشتیمانی كوردستانی كرد .

لەو سەردانەدا ئەندامانی وەفدی مەكتەبی سكرتارییەت خەبات و تێكۆشانی هەڤاڵ رزگار عەلی-یان بەڕێزەوە خستەوەڕوو، وەك سەركردەیەكی دیاری پڕهەڵوێستی هەڤاڵانی كەركوك لە شاخ و لەشاریشدا سیاسەتمەدارێكی ورد و هۆشیاری كوردپەروەرە كە رۆڵی كاراو گرنگی گێڕاوە بۆ چەسپاندنی سیاسەتی حەكیمانەی سەرۆك مام جەلال و یەكێتیی نیشتمانیی كوردستان، لە بەرامبەر رابردووی پاك و  مێژووی گەشی خەبات و تێكۆشانی لە بزووتنەوەی رزگاریخوازی كوردایەتی ئەندامانی وەفدی مەكتەبی سكرتارییەتی سەرۆك مام جەلال پێزانینی زۆریان بۆ دەربڕی و هیوای تەندروستی باشیی و سەلامەتی هەمیشەییان بۆ خواست.

لە بەرامبەردا، هەڤاڵ رزگار عەلی سوپاسی بەسەركردەوەكەی كردوو جەختی كردەوە یەكێتی بوون و پەروەردەمان لەسەر رێبازی سەرۆك مام جەلال ئەو مێژووەی لێ بەرهەم هاتووە، كە تەمەنێكە بۆ گەلەكەمان تێدەكۆشین .

PUKMEDIA