مەكتەبی سیاسی: هیوادارین ساڵی نوێ ببێتە چەسپاندنی زیاتری ئارامیی

PUKMEDIA

2026

مەكتەبی سیاسی یەكێتیی نیشتمانیی كوردستان لەپەیامێکدا، بەبۆنەی هاتنی ساڵی نوێ-وە پیرۆزبایی لە کۆمەڵانی خەڵکی کوردستان و عیراق دەکات و رایدەگەیەنێت:هیوادارین ساڵی نوێ ببێتە ساڵی چەسپاندنی زیاتری ئۆقرەیی و ئارامی لە ناوچەكەدا .

دەقی پەیامەکە:

ساڵی  نوێی  2026 پیرۆز بێت  لە گشت كۆمەڵانی خەڵكی  كوردستان و عیراق ، هیوادارین ساڵی نوێ ببێتە اساڵی  چەسپاندنی زیاتری  ئۆقرەیی و ئارامی  لە ناوچەكەدا .

بەم بۆنەیەوە  تەئكید لە پابەندبوونمان  بە سیاسەتی راستكردنەوەی  ڕێڕەوی حوكمڕانی   و پێكهێنانی  كابینەیەکی کارا و خزمەتگوزار  لە حكومەتی هەرێم  و حکومەتی فیدراڵ دەكەینەوە  كە خزمەتگوزارییەكانی  بۆ  گشت ناوچەکان و کۆی وڵاتەکەمان بێت. وەك  هەمیشە  هەولەكانمان  بەو ئاراستەیە دەبێت  كە رۆڵی كورد  لە بەغدا بەهێزتر  بكەینەوە  بۆ چەسپاندنی   تەواوەتی  مافە دەستورییەكانمان ، بە تایبەتی  شایستە داراییەكانی  هەرێم و موچەی  فەرمانبەران  بە جۆرێكی وا كە ئاستەنگ و دژوارییەكان  بە تەواوەتی  بڕەوێتەوە .

 لە ساڵی  نوێدا وەك  بەرپرسیارێتیەكی  مێژووی   تەئكید لە پاراستنی  گیانی  پێكەوەیی  دەكەینەوە ،لە پێناو  داهاتویەكی  باشتر  بۆ گەل و هەرێمەكەمان 

دووبارە  ساڵی  نوێ  پیرۆز بێت  لە هەموان 

مەكتەبی سیاسی 
یەكێتیی نیشتمانیی كوردستان

PUKMEDIA