مەکتەبى سیاسى: تەئکید لە پاراستنی ماف وئازادیی مەسیحییەکان دەکەینەوە

PUKMEDIA

لۆگۆی یەکێتیی نیشتمانیی کوردستان

مەکتەبى سیاسى یەکێتیى نیشتیمانیى کوردستان، بەبۆنەی یادی لەدایکبوونی حەزرەتی مەسیح(سڵاوی خوای لێ بێت)، لەپەیامێکدا گەرمترین پیرۆزبایی لەمەسیحییەکانی کوردستان و عیراق بەتایبەت و جیهان بەگشتى دەکات.

دەقی پەیامەکە:

بەبۆنەی یادی لەدایکبوونی حەزرەتی مەسیح(سڵاوی خوای لێ بێت)، گەرمترین پیرۆزبایی لەخوشک و برا مەسیحییەکانی کوردستان و عیراق بەتایبەت و جیهان بەگشتى دەکەین، ئومێد دەکەین  ئەم یادە ببێتە مایەی قوڵکردنەوەى پرەنسیپەکانی ئاشتی و لێبوردەیی و خۆشەویستی کە مژدەی ئایینە ئاسمانییەکانە.

مەسیحییەکان پێکهاتەیەکی ڕەسەن و دانەبڕاوون لە  مێژووی  بزوتنەوەی سیاسی و کۆمەلایەتی  کوردستاندا و رۆڵیان لە پێکەوە ژیانی ئاشتییانە لە وڵاتەکەماندا  بەرز دەنرخێنین .

هەر لەم  یادەدا وەک هەمیشە تەئکید لە پاراستنی ماف وئازادییەکانی مەسیحییەکان و گشت پێکهاتەکانی کوردستان دەکەینەوە  
  
مەکتەبى سیاسى
یەکێتیى نیشتیمانیى کوردستان

PUKMEDIA