محەمەد حەسان: سەرۆکی یەکێتی رۆڵی گرنگی بینیوە لەسەرخستنی پرۆسەی سیاسی

راگەیاندنی سەرۆکی یەکێتی

سەرۆک بافڵ ومحەمەد حەسان، نوێنه‌رى تايبه‌تى سكرتێرى گشتیی نەتەوەیەكگرتووەكان لە عیراق

بافڵ جەلال تاڵەبانی، سەرۆکی یەکێتیی نیشتمانیی کوردستان لە دەباشان پێشوازی لە محەمەد حەسان، نوێنه‌رى تايبه‌تى سكرتێرى گشتیی نەتەوەیەكگرتووەكان لە عیراق کرد.

سەردانەکەی محەمەد حەسان بەبۆنەی کۆتاییهاتنی ئەرکەکەی بوو و سوپاسی رۆڵی سەرۆک بافڵ و یەکێتیی نیشتمانیی کوردستانی کرد لە سەرخستنی پرۆسەی سیاسی.

لە دیدارەکەدا سەرۆکی یەکێتی ستایشی محەمەد حەسانی کرد کە لە راپەڕاندنی ئەرکەکانیدا رۆڵی گرنگی بینی لە نزیککردنەوەی لایەنەکان و لە ئەرکی داهاتوویدا هیوای سەرکەوتنی بۆ خواست.

PUKMEDIA