ژمارە 21ی نوێبوونەوە بڵاودەكرێتەوە

گۆڤاری نوێبوونەوە

ژمارە 21ی گۆڤاری نوێبوونەوە

نوێبوونەوە  كەگۆڤارێكی سیاسی، كەلتوری دوومانگانەیە و مەكتەبی راگەیاندن و هۆشیاری یەكێتیی نیشتمانیی كوردستان دەریدەكات، ژمارە 21ی كەوتە بەردیدی خوێنەرانی.

ئەم ژمارەیەی گۆڤاری نوێبوونەوە كە بریتییە لە ژمارە (21) كۆمەڵێك بابەتی گرنگی لەخۆگرتووە لەوانە:

وتاری سەرەتای ئەم ژمارەیە سەبارەت بە سلێمانییە، باس لەوە دەكات سلێمانی سەرەڕای ئەوەی مەڵبەندی خەبات و قوربانیدانە، هەمیشە بەرەو پێشەوە دەچێت و گەشە دەكات.

گفتوگۆی ئەم ژمارەیە لە كۆیەی حاجی قادرەوە سەرچاوەی گرتووە و رۆژنامەنووس هاوژین عەبدولواحید رووبەڕوو گفتوگۆیەكی هەمەلایەنەی لەگەڵ شاعیری یاخی و جیاواز مودریك ژاڵی كردووە. ژاڵی لەم گفتوگۆیەدا سەرەڕای ئەوەی یادەوەرییەكانی ساڵانی گەنجی بەسەر دەكاتەوە و باسی ئاشنایەكی لەگەڵ مەسعود محەمەد و سامی عەوداڵ و نووسەرانی تر  و قۆناغەكانی شیعری خۆی و گەشەكردن و گۆڕانی شێوازی شیعرنووسینی دەكات. 

دۆسێی ئەمجارەی نوێبوونەوە سەبارەت بە مافی مرۆڤە و سێ بابەتی لەخۆگرتووە:

 یەكەم: رەوتی گۆڕانی چەمكی مافی مرۆڤ لە سەرەتاوە هەتا ئەم سەدەیە.

دووەم: مانا و ناوەڕۆكی مافی مرۆڤ" وتارێكی جێگری سەرنووسەرە و تیایدا دەڵێت.

سێیەم: پرسی ژن لە سایەی یاساكانی مافی مرۆڤدا.

هاوكات، ئەم ژمارەیەی نوێبوونەوە ئەم بابەتانەشی لەخۆگرتووە:

(كێشەی كورد كێشەی عەرەبیشە) لێكۆڵینەوەیەكی د. جەمال ئەتاسییە نووسەر و توێژەر نەوزاد عەلی ئەحمەد لە عەرەبییەوە كردوویەتی بەكوردی. 

(ئیشكالیەتی رەهەندەكانی پەیوەندی نێوان كەلتور و شارستانیەت) لێكۆڵینەوەیەكی نووسەر و توێژەر كازم ئەحمەد سەدرەدینە باس لە كێشەی نێوان ئەو دوو زاراوەیە دەكات و بۆ بابەتەكەشی پشتی بەچەندین سەرچاوەی جۆراو جۆر بەستووە. 

(رەگەز، ناسنامە و دابەشبوون، سێ وتار لەسەر كتێبی تێكشان-ی دانا رەئووف) خوێندنەوەیەكی وردی كوورش زارع رەمشتی، كارناسی واڵای ئەدەبی شانۆییە بۆ كتێبی تێكشكانی دانا رەئووف كە پشتی بە تیۆر و راوبۆچوونی زانایانی بواری شانۆ بەستووە.

(كورسیی جادوویی) كورتەچیرۆكێكی نووسەری گەورەی ئیتاڵی دینۆ بوتزاتی-یە. 

(پەیكەرێك لە وشە) گۆشەیەكی سەر بەرگی پشتەوەی گۆڤارەكەیە.


PUKMEDIA