عیراق سزای بەشداربووانی جەنگی ئۆکراین روسیا دەدات

Independent

جەنگی روسیا و ئۆکراین

عیراق سزای هاووڵاتی وڵاتەکەی خۆی دەدات، کە بەبێ رەزامەندی پەیوەندی بە سوپای وڵاتێکی دیکەوە دەکەن و ئەنجومەنی باڵای دادوەریش هۆشداری دەدات کە ئەو کەسانە بەزیندانیکردن سزا دەدرێت.

ئەنجومەنی باڵای دادوەریی عیراق لە راگەیەندراوێکیدا هۆشداری دەدات بەوەی هەر هاووڵاتییەکی عیراقی بەبێ رەزامەندیی حکومەت پەیوەندی بە سوپای وڵاتێکی دیکەوە بکات، سزای زیندانی دەدرێت.

 بەپێی راگەیەندراوەکە، فایەق زێدان لەگەڵ لیژنەیەکی تایبەت تاوتوێی دۆخی ئەو عیراقییانەی کردووە کە ئێستا لە رووسیا و ئۆکرانیا بەشداری جەنگ دەکەن میکانیزمی رێگریی لە بەشداری کردنیان روونکراوەتەوە.

ئەمەش لەکاتێکدایە، جەنگی ئۆکراین و روسیا لە مانگی شوباتی ساڵی داهاتوودا پێدەنێتە ساڵی پێنجەمییەوە وبەپێی زانیارییەکانیش، دەیان عیراقی کە کوردیان تێدایە، وەک سەربازی روسیا و ئۆکراین بەشداریان لەو جەنگەدا کردووە.

PUKMEDIA