سەرۆک بافڵ: دەبێت حکومەتی داهاتووی عیراق وەڵامدەرەوەی خواستەکانی خەڵک بێت

نوسینگەى رۆژنامەوانى سەرۆک بافڵ جەلال تاڵەبانی

بافڵ جەلال تاڵەبانی سەرۆکی یەکێتیی نیشتمانیی کوردستان و موسەنا سامەڕائی سەرۆکی ھاوپەیمانیی عەزم

بافڵ جەلال تاڵەبانی، سەرۆکی یەکێتیی نیشتمانیی کوردستان لە دەباشان پێشوازی لە موسەنا سامەڕائی، سەرۆکی ھاوپەیمانیی عەزم کرد.

لە کۆبوونەوەکەدا کە رەفعەت عەبدوڵا، جێگری سەرۆکی یەکێتی و نزار ئامێدی، ئەندامی مەکتەبی سیاسی ئامادەیبوون، جەخت لە پابەندبوون بە وادە دەستوورییەکان بۆ پێکهێنانی حکومەتی نوێی عیراق کرایەوە.

سەرۆکی یەکێتی رایگەیاند، دەبێت حکومەتی داهاتووی عیراق توانای چارەسەرکردنی کێشەکانی هەبێت و وەڵامدەرەوەی خواستەکانی خەڵک بێت.

PUKMEDIA