ڕفعەت عەبدوڵڵا: لەڕۆژی ئاڵادا جەخت لەیەکگرتوویی ناوماڵی کورد دەکەینەوە

نوسینگەی رۆژنامەوانی ڕفعەت عەبدوڵا

ڕفعەت عەبدوڵا جێگری سەرۆکی یەکێتیی نیشتمانیی کوردستان

ڕفعەت عەبدوڵا جێگری سەرۆکی یەکێتیی نیشتمانیی کوردستان، لەڕۆژی ئاڵای کوردستاندا پەیامێکی بڵاوکردەوەو رایگەیاند: لەم یادەدا، جەخت لەتەبایی ناوخۆیی و یەکگرتوویی ناوماڵی کورد دەکەینەوەو سورین لەسەر پەیامی پێکەوەیی و ئاشتیخوازانەمان.

دەقی پەیامەکە:

بەبۆنەی ڕۆژی ئاڵای پیرۆزی کوردستان، گەرمترین پیرۆزبایی لەهاونیشتمانیانی کوردستان و تێکڕای تێکۆشەران و خانەوادەی شەهیدان و پێشمەرگە قارەمانەكان دەکەم، کەبەقوربانی و خەباتی ڕەوایان هەمیشە ئەم ئاڵایەیان بەشەکاوەیی ڕاگرتووەو کوردستان لەسایەیدا بەرەو سەرفرازی و گەشانەوەی زیاتر هەنگاو دەنێت.

لەم یادەدا، جەخت لەتەبایی ناوخۆیی و یەکگرتوویی ناوماڵی کورد دەکەینەوەو سورین لەسەر پەیامی
پێکەوەیی و ئاشتیخوازانەمان.

ڕفعەت عەبدوڵا
جێگری سەرۆکی یەکێتیی نیشتمانیی کوردستان

PUKMEDIA