رەفعەت عەبدوڵڵا: سەرچاوەی هێزی یەكێتی میللەتەو ئەركمانە لەئاست داخوازییەكانیاندابین

نووسینگەی راگەیاندنی جێگری سەرۆكی یەكێتی

جێگری سەرۆكی یەكێتی

لەمیانی كۆبوونەوەی لەگەڵ ئەنجومەنی سەركردایەتی هەولێر، جێگری سەرۆكی یەكێتیی نیشتمانیی كوردستان، جەختی كردەوە، هەولێر بایەخێكی گرنگ و ستراتیژی هەیە بۆ یەكێتی و (هەولێرو یەكێتی)یش، دووانەیەكی گرێدراوو دانەبڕاون.

لەسەرەتای كۆبوونەوەكەدا رەفعەت عەبدوڵڵا، هاوخەمی خۆی و هەڤاڵانی بۆ زیانلێكەوتوانی رووداوەكانی چەمچەماڵ دەربڕی و سەرەخۆشی ئاڕاستەی بنەماڵەی (ئاكۆ سابیر) كارمەندی هێزەكانی ئاسایش كرد كەلەكاتی هاوكاریكردنی هاووڵاتیاندا شەهیدبوو.

لەتەوەرێكی كۆبوونەوەكەدا قوباد تاڵەبانی وەك سەرپەرشتیاری بازنەی هەولێری هەڵبژاردنی ئەنجومەنی نوێنەرانی عیراق، راپۆرتێكی تێروتەسەل و گرنگی پێشكەشكرد، هاوكات هەڤاڵانی ئەنجومەنی سەركردایەتی هەولێر، سەرنج و بۆچوونی هەڤاڵانەیان دەربارەی خۆسازدان بۆ قۆناغی ئایندە خستەڕوو كەوەك هەمیشە لەخزمەت و خەبات بۆ هەولێرو هەولێرییەكان كەمتەرخەم نابن.

لەكۆتایی كۆبوونەوەكەدا هەڤاڵ جێگری سەرۆكی یەكێتی جەختی لەتۆخكردنەوەی خەسڵەتە بنچینەییەكانی یەكێتی كردەوە، كەخۆی لەچاكەی گشتی و خزمەتكردنی زیاتری كۆمەڵانی خەڵكدا دەبینێتەوەو وتی: "سەرچاوەی هێزی یەكێتی، میللەتەكەمانەو لەحزب و لەحكومەتدا ئەركمانە لەئاست داخوازی و داواكارییەكانیاندابین".

PUKMEDIA