دەستەی باڵای هاوپەیمانی سۆشیالدیموکرات بە سەرپەرشتی دارا خەیلانی کۆبووەوە

راگەیاندنى کۆنفرانسەکە

وێنەیەکى ڤیدیۆ کۆنفرانسەکە

دەستەی باڵای هاوپەیمانی سۆشیالدیموکرات لە جیهانی عەرەبی بەسەرپەرشتی دارا خەیلانی و بە بەشدارى نوێنەرى 20 حزبى سیاسى لە رێى ڤیدیۆکۆنفرانس کۆبوونەوەى خۆى ئەنجامدا.

دەستەی باڵای هاوپەیمانی سۆشیالدیموکرات لە جیهانی عەرەبی لە رێی ڤیدیۆ کۆنفرانس لە رێکەوتى 11ى 12ى2025 بەسەرپەرشتی دارا خەیلانی لێپرسراوى پەیوەندیەکانى دەرەوەى یەکێتیى نیشتمانیى کوردستان و بە بەشداری نوێنەرانی 20 حزبی سیاسی بۆ ماوەى دوو سەعات و نیو کۆبوونەوەیەکى ئەنجامدا. 

لە کۆبونەوەکەدا گفتوگۆ دەربارەى سێ تەوەری سەرەکی ئەنجامدرا، ئەویش:

1.گفتوگۆکردن دەربارەى بارودۆخی هەنوکەیی سیاسی لەسەر ئاستی هەرێمایەتی و عەرەبی.

2.گفتوگۆ و پێداچوونەوە بە پەیڕەوی ناوخۆی هاوپەیمانێتییەکە، بەجۆرێک لەگەڵ پێداویستییەکانی قۆناغی داهاتوودا گونجاوبێت.

3.تایبەتبوو بە گفتوگۆکردن لەبارەی هاوپەیمانی ژنان (شیهانە) و باس لە تەواوکردنی کارەکانی کۆنگرەی سلێمانی کرا ، هەروەها کاراکردن و بەگەڕخستنی پلە و پایە رێکخراوەییەکانی هاوپەیمانێتی ژنان، چ لە رێی رێکەوتن و سازان بێت یان لە رێی هەڵبژاردن، بەجۆرێک دەستەبەری بەشداری کارا و کاریگەری ژنان لە پەیکەری هاوپەیمانێتیدا بکات.

PUKMEDIA