رۆژنامەنوسێکی ئوستراڵی کتێبی پێشمەرگە بە زمانى ئینگلیزى دەبەخشێتە بۆردى راگەیاندن

PUKMEDIA

لەتیف نێروەیی و مانیش رای

ئەمڕۆ 13ی12ی2025، توێژەری ئوستوراڵی (مانیش رای) خاوەنی کتێبی پێشمەرگە کە بە زمانی ئینگلیزی بڵاویکردووەتەوە، سەردانی مەکتەبی راگەیاندن و هۆشیاری کرد و لەلایەن لێپرسراوی بۆردی راگەیاندنی یەكێتیی نیشتمانیی كوردستانەوە پێشوازی لێکرا و سبەینێش کۆڕێکی لەسەر خەباتی کورد و پێشمەرگە ئەنجام دەدات.

لەتیف نێروەیی لێپرسراوی بۆردی راگەیاندنی یەكێتیی نیشتمانیی كوردستان، پێشوازیکرد لە مانیش رای توێژەری ئوستوراڵی و خاوەنی کتێبی پێشمەرگە، کە بۆ ناساندنی کتێبەکەی و ئەنجامدانی کۆڕێک لەسەر خەباتی کورد و پێشمەرگە ئێستا لە شاری سلێمانییە و لەو پێشوازییەدا وێنەیەک لە کتێبەکەى خۆی پێشکەش بە بۆردی راگەیاندن کرد.

هەر بۆ ناساندنی کتێبەکەی، بڕیارە سبەی لە ساڵۆنی کوردستانی نوێ کۆڕێک رێکبخات و تیایدا باس لە کتێبەکەی و چۆنییەتی دامەزراندنی یەکێتیی نیشتمانیی کوردستان و خەباتی بێوچانی سەرۆک مام جەلال دەکات.

PUKMEDIA