بەفر بارین دەستپێدەكات

Bristolive

بەفربارین

كەشناسی هەرێم رایدەگەیەنێت: ئەمڕۆ ئاسمان هەور دەبێت، هاوكات لە زۆربەی ناوچەكان نمە بارانی پچڕ پچڕ و لەناوچە شاخاوییەكانیش بەفر بارین دەستپێدەكات.

بەڕێوەبەرایەتی گشتی كەشناسی و بومەلەرزەزانی هەرێم، كەشی پێشبینیكراوی 48 سەعاتی رابردووی بڵاوكردەوە و بەپێی پێشبینییەكان ئەمڕۆ هەینی 12ی 12ی 2025، ئاسمان هەوری تەواو دەبێت، هەروەها نمە باران و بارانی مامناوەند بە پچڕپچڕی لە زۆربەی ناوچەكان دەبارێت، لەگەڵ بارینی بەفر لەناوچە شاخاوییە بەرزەكان و ناوچە سنوورییەكان.

كەشناسی هەرێم لە بارەی كەشوهەوای سبەینێ شەممەوە رایگەیاند: ئاسمان هەوری تەواو دەبێت پاشان دەگۆڕێت بۆ نیمچە هەور، لەگەڵ بارینی نمە باران و بارانی مامناوەند لە زۆربەی ناوچەكان، هەروەها لە ناوچە سنوورییەكان بەفر بارین دەبێت، پێشبینی دەكرێت كاریگەری ئەم شەپۆلە لە كاتەكانی شەودا كۆتایی بێت.

PUKMEDIA