سەرۆك بافڵ: فەرماندە ئاكام بۆ سەرفرازی گەلەكەمان گیانی بەختكرد

ئەرشیفی PUKMEDIA

سەرۆك بافڵ لەمەراسیمی ساڵیادی شەهیدبوونی فەرماندە ئاکام

بافڵ جەلال تاڵەبانی، سەرۆكی یەكێتیی نیشتمانیی كوردستان، لە سێهەمین ساڵیادی شەهیدبوونی فەرماندە ئاكام عومەر، پەیامێكی بڵاوكردەوەو رایگەیاند: فەرماندە ئاكام لەپێناو سەرفرازی گەلەكەمان گیانی بەختكرد و مێژوویەكی پڕشانازی تۆماركرد، وەفاداربین بۆ قوربانییەكانی و بەرنامەكانی بە ئەمانەتەوە جێبەجێ دەكەین.

دەقی پەیامەكە:

بە شكۆوە سێیەمین ساڵڕۆژی شەهیدبوونی فەرماندە ئاكام عومەر، فەرماندەی هێزەكانی كۆماندۆی كوردستان بەرز رادەگرین و بۆ هەمیشە یاد و یادەوەرییەكانی لەلامان بە زیندوویی دەمێنێتەوە.

فەرماندە ئاكام لەپێناو سەرفرازی گەلەكەمان گیانی بەختكرد و بەتەمەنێكی كەمەوە مێژوویەكی پڕشانازی تۆماركرد.

بەڵێن دەدەین وەفاداربین بۆ قوربانییەكانی و ئەوەی بەرنامەی بۆ دانابوو بە ئەمانەتەوە جێبەجێی بكەین.

دروود و سڵاو بۆ گیانی پاكی كاك ئاكام و هاوڕێكانی و سەرجەم شەهیدانی كوردستان.

بافڵ جەلال تاڵەبانی
سەرۆكی یەكێتیی نیشتمانیی كوردستان

PUKMEDIA