مەحمود سەنگاوی: وەك رابردوو پێشمەرگەی كوردستان و یەكێتیم

مەکتەبی سکرتارییەتی سەرۆک مام جەلال

وێنەیەکى سەردانەکە

مەکتەبی سکرتارییەتی سەرۆک مام جەلال لە شاری سلێمانی سەردانی تێکۆشەری دێرین و کەسایەتی کوردستان و سەرکردەی دیاری شۆڕشی نوێ هەڤاڵ (مەحمود سەنگاوی)ـیانکرد .

لەو سەردانەدا، ئەندامانی مەکتەبی سکرتارییەت لە نزیکەوە لە بارودۆخی تەندروستی هەڤاڵ مەحمود سەنگاوی ـیان پرسییەوە و هیوای سەلامەتی زیاتر و تەندروست باشی هەمیشەییان بۆ خواست .

مەکتەبی سکرتارییەتی سەرۆک مام جەلال پێزانینیان دەربڕی بۆ رۆڵ و خەبات و تێکۆشانی قارەمانانەی هەڤاڵ مەحمود سەنگاوی وەک فەرماندەیەکی ئازاو لێهاتووی رۆژە سەختەکانی خەبات لە دەڤەری گەرمەسێر کە  لە هەر شوێنێک مەترسییەک هەبوو بێت لە ریزی پێشەوەی رووبەڕووبونەوەکاندا وەستاوەتەوە و هیچ کات سڵی نەکردۆتەوە لە دوژمن، لەم رووەوە ئەندامانی مەکتەبی سکرتارییەت چەپکە گوڵی رێز و وەفای سەرۆک بافڵ جەلال تاڵەبانی، هەڤاڵ قوباد تاڵەبانی ـ یان ئاڕاستەکرد .

لە بەرامبەردا،  هەڤاڵ مەحمود سەنگاوی جەختی کردەوە ئێستاش بە هەمان رۆحییەتی رابردوو هەر پێشمەرگەی گەلی کورد و یەکێتیی دەبم .

PUKMEDIA