داستانی گردە درۆزنە شانازییەکە لەسەر خەرمانی سەروەرییەکانی یەکێتی

PUKMEDIA

لۆگۆى یەکێتیى نیشتمانیى کوردستان

ئەمڕۆ 23 ساڵ تێدەپەڕێت بەسەر یەکێک لە تاوانە هەرە قێزەونەکانی گروپی تیرۆریستی ئەنسارولئیسلام، شەوێک کە تێیدا پۆلێک فەرماندە و پێشمەرگەی قارەمانی یەکێتیی نیشتمانیی کوردستان بە خوێنی خۆیان داستانێکیان تۆمار کرد، ئەم یادە تەنها برینێک نییە، بەڵکو سەلمێنەری ئەو راستییەیە کە یەکێتی هەمیشە سەرمەشق بووە لە پاراستنی خاک و شکاندنی شکۆی تیرۆرستان.

مەڵبەندی 9 ی شارەزووریش لە راگەیەنراوێکدا رایگەیاند:یەکێتیی نیشتمانیی کوردستان تاکە هێزی ناوچەکە بوو، کە هەر زوو هەستی بە مەترسی ئەم گروپە تیرۆرست و خوێنڕێژە کرد و پێش هاتنی هاوپەیمانی نێودەوڵەتی ئامادەکاری کرد و بە هەموو هێز و توانایەوە ڕوبەڕوویان بویەوە، ترس و تۆقاندنی ئەم ئەم گروپە ڕێگر نەبوو لە هەوڵ و پلانی یەکێتی بۆ لەناو بردنیان لەو پێناوەشدا یەکێتی زیاتر لە 350  شەهیدی قارەمانی بەخشی ، تاوەکو جارێکی دیکە ئارامی و ئاسایش بگەڕێنێتەوە بۆ خەڵکی کوردستان بە گشتی و هەڵەبجە و هەورامان و شارەزوور بەتایبەتی .

دەقى راگەیەنراوەکە:

23 ساڵ لەمەوبەر لە شەوی  3/4ى 12ى 2002 گروپە تاریک پەرستەکەی بەناو ئەنسارولئیسلام تاوانێکی دیکەی دوور لە هەموو ئەخلاق و بەهایەکی مرۆڤایەتی ئەنجامدا کە ئەویش شەهید کردنی پۆلێک فەرماندە و  پێشمەرگەی یەکێتیی نیشتمانیی کوردستان بوو لە گردە درۆزنەی گوندی تەپەکوڕە  . 

ئەو تاوانە قێزەونە سەروەریەکی دیکە بوو  بۆ سەر خەرمانی شکۆ و سەروەریەکانی یەکێتی ، هێندەی دیکەش پێشمەرگە قارەمانەکانی یەکێتی بۆ گەشتن بە ئازادی هەمیشەیی و پاک کردنەوەی ناوچەکە لە تیرۆرستان تینووتر کرد.

یەکێتیی نیشتمانیی کوردستان هەمیشە پارێزەری خاک و خەڵک بووە ، بەرامبەر ئەو گروپە توندڕەوە تاریکبینەش سنگی پێشمەرگە ئازاکانی کردە قەڵغان تاوەکو ئارامی و ئاسایشی سنورەکە بەردەوام بێت.

ئەوە بوو بە خوێنی دەیان شەهید داستانێکی دیکەی سەرکەوتنی تۆمار کرد و چارەنوسی ئەو گروپە توندڕەوە بوو بە چارەنوسی هەمان ئەو دەستە و هێز و تاقمانەی کە ویستویانە دژایەتی بکەن و خواستیان بووە ڕێ بە خۆری خەباتی یەکێتی و گەلەکەمان بگرن.

 یەکێتیی نیشتمانیی کوردستان تاکە هێزی ناوچەکە بوو کە هەر زوو هەستی بە مەترسی ئەم گروپە تیرۆرست و خوێنڕێژە کرد و پێش هاتنی هاوپەیمانی نێودەوڵەتی ئامادەکاری کرد و بە هەموو هێز و توانایەوە ڕوبەڕوویان بویەوە ، ترس و تۆقاندنی ئەم ئەم گروپە ڕێگر نەبوو لە هەوڵ و پلانی یەکێتی بۆ لەناو بردنیان لەو پێناوەشدا یەکێتی زیاتر لە 350  شەهیدی قارەمانی بەخشی ، تاوەکو جارێکی دیکە ئارامی و ئاسایش بگەڕێنێتەوە بۆ خەڵکی کوردستان بە گشتی و هەڵەبجە و هەورامان و شارەزوور بەتایبەتی .

لەم یادە خەمناکەدا سەری ڕێز و نەوازش بۆ شەهیدانی گردە درۆزنە و سەرجەم شەهیدانی ڕێگای ڕزگاری و ئازادی کوردستان دادەنەوێنین ، نەفرەت و سەر شۆڕی بۆ تیرۆرستان و دوژمنانی ئازادی.

 مەڵبەندی 9 ی شارەزوور



PUKMEDIA