شێخ جەعفەر: تەلەفزیۆنی گەلی كوردستان پێشەنگە لەگەیاندنی راستییەكان بە خەڵك

راگەیاندنی شێخ جەعفەر شێخ مستەفا

سەردانی شێخ جەعفەر بۆ كەناڵی گەلی كوردستان

ئەمڕۆ سێشەممە 2ی كانوونی یەكەمی 2025، شێخ جەعفەر شێخ مستەفا، لێپرسراوی ئەنجومەنی پاراستنی بەرژەوەندییە باڵاكانی یەكێتیی نیشتمانیی كوردستان، هاوڕێ لەگەڵ جەلال شێخ كەریم ئەندامی سەركردایەتی یەكێتی، سەردانی كەناڵی ئاسمانی گەلی كوردستانی كرد و لەلایەن بەڕێوەبەری گشتی كەناڵ و ژمارەیەك لە كادرانی كەناڵەكەوە بە گەرمیی پێشوازییان لێكرا.

لەدیدارێكدا، شێخ جەعفەر پیرۆزبایی لە كوردۆ عەلی كرد، بەبۆنەی دەستبەكاربوونی وەك بەڕێوەبەری گشتی كەناڵی ئاسمانی گەلی كوردستان و هیوای سەركەوتنی بۆ خواست، هاوكات جەختی لە رۆڵی تەلەفزیۆنی گەلی كوردستان كردەوە كە هەمیشە پێشەنگ بووە لە گەیاندنی زانیاریی و راستییەكان بە كۆمەڵانی خەڵك، بەشێوەیەكی پیشەییانە و راستگۆیانە.

هەر ئەمڕۆ لێپرسراوی ئەنجومەن، لەگەڵ جەلال شێخ كەریم، سەردانی فاروقی مەلا مستەفا كەسایەتی و سەرمایەداری نیشتمانی كرد و  بەگەرمیی پێشوازی لێكرا.

لەدیدارێكدا، لێپرسراوی ئەنجومەن لە تەندروستی كاك فاروقی پرسی و هیوای خواست بەتەندروستییەكی باشەوە درێژە بەكارەكانی بدات.

PUKMEDIA