سەرۆك بافڵ: دەمانەوێت بگەین بە حكومەتێكی خزمەتگوزاری نیشتمانیی

راگەیاندنی سەرۆك بافڵ

پێشوازی سەرۆك بافڵ لە پاتریك دۆرێل، باڵیۆزی فەرەنسا لە عیراق

بافڵ جەلال تاڵەبانی، سەرۆكی یەكێتیی نیشتمانیی كوردستان لە دەباشان پێشوازی لە پاتریك دۆرێل، باڵیۆزی فەرەنسا لە عیراق كرد.

لە دیدارێكدا دۆخی گشتیی هەرێمی كوردستان، عیراق و ناوچەكە تاوتوێكرا و جەخت لە بەردەوامی لێكتێگەیشتنی نێوان لایەنەكان بۆ زاڵبوون بەسەر ئاڵنگارییەكاندا كرایەوە.

پەیوەست بە پێشهاتە سیاسییەكان لە دوای هەڵبژاردنی ئەنجوومەنی نوێنەرانی عیراق بۆچوون ئاڵوگۆڕكرا و سەرۆك بافڵ رایگەیاند، هەوڵەكانمان لەو چوارچێوەیەدایە بگەین بە حكومەتێكی خزمەتگوزاری نیشتمانی كە بنەماكەی هاوبەشێتی و پێكەوەیی بێت.

PUKMEDIA