سەرۆك بافڵ: پشتیوانی لە رێكخراوەكانی كۆمەڵگەی مەدەنی دەكەین

راگەیاندنی سەرۆك بافڵ

پێشوازی سەرۆك بافڵ لە جانێت ئەلبێردا، باڵیۆزی شانشینی هۆڵەندا لە عیراق

بافڵ جەلال تاڵەبانی، سەرۆكی یەكێتیی نیشتمانیی كوردستان لە دەباشان پێشوازی لە جانێت ئەلبێردا، باڵیۆزی شانشینی هۆڵەندا لە عیراق كرد.

لە دیدارێكدا پێشهاتە ناوخۆیی و ناوچەییەكان خرایەبەر باس و پێویستی بەردەوامی پەیوەندیی نێوان لایەنەكان لە هەرێمی كوردستان و عیراق بە گرنگ زانرا.

فراوانكردنی پەیوەندییە بازرگانییەكان لە نێوان هەردوولا جەختی لەسەر كرایەوە و سەرۆك بافڵ ئامادەیی تەواوی بۆ كارئاسانیكردن بۆ سەرمایەداران و خاوەنكارانی هۆڵەندا دەربڕی تاوەكو رۆڵی كاریگەرتر بگێڕن لە بەهێزكردنی ژێرخانی ئابووریی هەرێمی كوردستان.

رەخساندنی زەمینەی لەبارتر لەبەردەم رێكخراوەكانی كۆمەڵگەی مەدەنی تەوەرێكی دیكەی گفتوگۆكان بوو و سەرۆك بافڵ رایگەیاند، پشتیوانی لە رێكخراوەكانی كۆمەڵگەی مەدەنی دەكەین.


PUKMEDIA