مەكتەبی سكرتارییەت: سەید عومەر تێكۆشەری كوردایەتی و شۆڕشی نوێیە

مەكتەبی سكرتارییەتی سەرۆك مام جەلال

سەردانی وەفدی مەكتەبی سكرتارییەت بۆلای تێكۆشەری دێرین هەڤاڵ سەید عومەر حاجی حەسەن

رۆژی 3ی 10ی 2025، وەفدی مەكتەبی سكرتارییەتی سەرۆك مام جەلال لە گوندی جۆلەمێرگ-ی سەربە ناحییەی خەلیفان، سەردانی تێكۆشەری دێرین و كەسایەتی دیاری ناوچەكە، هەڤاڵ سەید عومەر حاجی حەسەن-ی كرد.

لەو سەردانەدا، ئەندامانی وەفدی مەكتەبی سكرتارییەت بە رێزەوە مێژووی پاك و پڕ لە دڵسۆزی هەڤاڵ سەید عومەر یان هێنایەوە بەرباس وەك تێكۆشەرێكی سەرڕاستی رێگای بەرزی كوردایەتی و شۆڕشی نوێ كە هەمیشە لە بەرەی گەلەكەی  بووە، لە كۆڕی خەبات و تێكۆشاندا سوارچاكێكی ئازاو لێهاتوو و  بە دەست بووە. لەم رووەوە مەكتەبی سكرتارییەتی سەرۆك مام جەلال پەیام و سڵاوی یەكێتیانەی سەرۆك بافڵ جەلال تاڵەبانی و  قوباد تاڵەبانی یان ئاڕاستە كرد و هیوای سەلامەتی و تەندروست باشییان بۆ خواست.

لای خۆیەوە، هەڤاڵی تێكۆشەر كاك سەید عومەر، سوپاسی ئەو سەردانیكردنەی كردو روونیكردەوە: ئەم قۆناغەش وەك شۆڕشی چەكداری، پێویستی بەهێزێكی گەورە و كاریگەری وەك یەكێتیی نیشتمانیی كوردستانە بۆ بەدەستهێنانی مافە رەواكانی گەلەكەمان لە بەغدا، بۆیە گرنگە هەموومان بە جۆش و خرۆشەوە كاربكەین بۆ سەرخستنی لیستی 222 ی یەكێتیی نیشتیمانیی كوردستان.

PUKMEDIA