قوباد تاڵەبانی: هیواخوازین پرۆسەی ئاشتی ئامانجەکانی کورد و تورک بەدەستبهێنێت

راگەیاندنی قوباد تاڵەبانی

قوباد تاڵەبانی و عوسمان بایدەمیر، سیاسەتمەداری ناسراوی کورد

قوباد تاڵەبانی ئەندامی مەکتەبی سیاسی یەکێتیی نیشتمانیی کوردستان، پێشوازی لە عوسمان بایدەمیر، سیاسەتمەداری ناسراوی کورد کرد و رایگەیاند:  هیوامان خواست پرۆسەی ئاشتی ئامانجەکانی هەردوو گەلی کورد و تورک بەدی بهێنێت.

قوباد تاڵەبانی لە پۆستێکیدا کە لە پلاتفۆڕمی فەیسبووک بڵاویکردووەتەوە رایگەیاندووە: خۆشحاڵ بووم بە دیداری بەڕێز عوسمان بایدەمیر، سیاسەتمەداری ناسراوی کورد.

ئاماژەی بەوەشکردووە پێکەوە گفتوگۆمان کرد لەبارەی دۆخی ناوچەکە و بە تایبەتیش هەنگاوەکانی پرۆسەی ئاشتی لە تورکیا.

لە بارەی پرۆسەی ئاشتیشەوە، قوباد تاڵەبانی دووپاتی کردەوە: هیوامان خواست پرۆسەکە بە سەرکەوتوویی بەرەوپێش بچێت و ئامانجەکانی هەردوو گەلی کورد و تورک بەدی بهێنێت.

PUKMEDIA