‎ نزار ئامێدی: زامنی ژیانى خەڵکی کوردستان و قووتی هاووڵاتییان ئەولەویەتی کارکردنمانە

PUKMEDIA

نزار ئامێدی

 نزار ئامێدی  لێپرسراوی مەکتەبی سیاسی یەکێتیی نیشتمانیی کوردستان لە بەغداد  لەگەڵ تیمی حکومی یەکێتی لە بەغداد کۆبووەوە .

‎لە کۆبوونەوەکەدا،  کە دانا ئەسعەد لێپرسراوی سکرتاریەتی سەرۆک مام جەلال لە بەغداد بەشداربوو، باس لە رۆڵی یەکێتیی نیشتمانیی کوردستان لە بەغداد و پتەوکردن و کاراکردنی ئەدای  سیاسی و ئیداریی یەکێتی لە چوارچێوەی دامودەزگاکانی دەوڵەتدا کرا  و دووپات لە بەردەوامی ستراتیژی یەکێتی بۆ پشتگیری لە سەقامگیری سیاسی و کاری هاوبەشی لە نێوان بەغداد و هەرێمی کوردستان کرایەوە.

‎هەر لە کۆبونەوەکەدا، ئامادەکارییەکان بۆ هەڵبژاردنەکانی داهاتووی عیراق و کارکردن بۆ  سەرکەوتنی یەکێتی تاوتوێکرا، و تەئکید لە یەکخستنی هەوڵە هەمەلایەنەکان کرایەوە .

نزار ئامێدی هەر لە کۆبوونەوەکەدا، ستراتیژی یەکێتی لە بەغداد روونکردەوە و رایگەیاند: لەسەر بنەمای کاری پێکەوەیی لەگەڵ دۆستەکانمان کاردەکەین بۆ پاراستنی بەرژەوەندییەکانمان و زامنی ژیان و گوزەرانی خەڵکی کوردستان بە تایبەت مووچەو قووتی هاووڵاتییانمان ئەولەویەتی کارکردنمان دەبێت .

PUKMEDIA