سەرۆک بافڵ: هێرشی رێکخراو بۆ سەر هەڤاڵانمان قبوڵ ناکەین

نوسینگەی رۆژنامەوانی سەرۆک بافڵ

پێشوازی سەرۆک بافڵ لە تیمێکی بانگەشەی هەڵبژاردنی یەکێتی

بافڵ جەلال تاڵەبانی سەرۆکی یەکێتیی نیشتمانیی کوردستان لە هەولێر پێشوازیی لەو تیمەی بانگەشەی یەکێتی کرد، کە لە هەولێر تووندوتیژییان بەرامبەر کرا.

لە کۆبوونەوەکەدا کە قوباد تاڵەبانی سەرپەرشتیاری بازنەی هەولێری لیستی یەکێتی ئامادەیبوو، تیمی بانگەشەی یەکێتی باسی رووداوەکەیان بۆ سەرۆک بافڵ کرد و وتیان، کردارەکە پلان بۆ داڕێژراو نەبووە، بەڵکو تەنها هەڵوێستی چەند گەنجێک بووە.

سەرۆک بافڵ وتی: ئەو کردارە دوورە لە رەفتاری خەڵکە ئازیزەکەی هەولێر و هەولێرییەکان رۆژی هەڵبژاردن بە دەنگەکانیان وەڵامی ئەم جۆرە کردارانە دەدەنەوە.

بافڵ جەلال تاڵەبانی پشتیوانی خۆشی بۆ تەواوی گەنجانی یەکێتیی نیشتمانیی کوردستان دووپاتکردەوە و رایگەیاند: لەسەر قسەکانی خۆم سوورم و هێرشی رێکخراو بۆ سەر هەڤاڵانمان لە هیچ شوێن و ناوچەیەک قبوڵ ناکەم.

PUKMEDIA