عەشیرەتی هەرکی پشتیوانی لە لیستی یەکێتی خەڵکی نەینەوا دەکەن

راگەیاندنی مەڵبەندی نەینەوای یەکێتی

عەشیرەتی هەرکی پشتیوانی یەکێتین

بەئامادەبوونی ئاراس محەمەد ئاغا ئەندامی سەرکردایەتی و سەرۆکی هاوپەیمانیی یەکێتی خەڵکی نەینەوا و شێخ جەوهەر محیدین ئاغا سەرۆك عەشیرەتی هەرکی و جەماوەرێکی زۆر لە هەموو چین وتوێژە جیاوازەکان، کەرنەڤاڵی خزمانی هەرکی بۆ پشتیوانیکردن لە لیستی یەکێتی خەڵکی نەینەوا بەڕێوەچوو.

لەکەرنەڤاڵەکەدا ، ئاراس محەمەد ئاغا سەرۆکی هاوپەیمانیی خەڵکی نەینەوا ، ستایشی رۆڵی شێخ جەوهەر ئاغا و خزمانی هەرکی کرد لە چارەسەرکردنی پرسەکان و خەبات و قوربانیدانیان و پاڵپشتیکردن و پشتیوانی شێخ جەوهەر ئاغا لە یەکێتیی نیشتیمانیی کوردستان لە نەینەوا بەرز نرخاند .

هاوکات شێخ جەوهەر ئاغا لە کەرنەڤاڵەکەدا پشتیوانی خۆی بۆ لیستی هاوپەیمانی یەکێتی خەڵکی نەینەوا دەربڕی و داوای لە ئامادەبووان کرد هەموویان دەنگ بە لیستی یەکێتی خەڵکی نەینەوا بدەن و پشتیوانی سەرۆك بافڵ سەرۆکی یەکێتیی نیشتیمانیی کوردستان بن .

ئاراس محەمەد ئاغا داوای لە ئامادەبووان کرد بە گڕوتینیکی زۆرەوە بەشداری لە هەڵبژاردن بکەن و دەنگ بدەن بە لیستی هاوپەیمانیی یەکێتی خەڵکی نەینەوا و کاندیدانی بۆ ئەوەی لە ئەنجومەنی نوێنەران خزمەتی زیاتری ئێوە و نەینەوا بکەن .

PUKMEDIA