خانمی یەکەم: پشتیوانی خاوەن پێداویستی تایبەت متمانە بەخۆبونیان زیاد دەکات

PUKMEDIA

خانمی یەکەمی عیراق لەگەڵ خوێندکارێکی بەهرەمەند

شاناز ئیبراهیم ئەحمەد خانمی یەکەمی عیراق لەکۆشکی سەلام لەشاری بەغداد چاویکەوت بە عەبدول سەمەد عەلی وەهاب یەکێک لەخوێندکارە بەهرەمەندەکانی پەیمانگەی هونەرە جوانەکان کە خاوەن پێداویستی تایبەتە.

لەدیدارەکەدا عەبدول سەمەد عەلی کارێکی هونەری پێشکەشی خانمی یەکەم کرد، کە بە بەکارهێنانی دەنکی قاوە کێشابووی وەک ڕێزێک بۆ خەبات و تێکۆشانی سەرۆکی مام جەلال.

خاتوو شاناز خۆشحاڵی خۆی دەربڕی بە دیداری ئەم گەنجە بەهرەمەندە و کارە دەستیە ناوازەو سەرسوڕهێنەرەکانی کە گوزارشت دەکات لەبەهرە و توانای داهێنەرانەی لە بواری هونەردا. هەروەها  پشتیوانی ئەم توێژە گرنگەی کۆمەڵگەی دووپات کردەوە کە متمانە بەخۆبونیان زیاد دەکات و یارمەتییان دەدات بۆ بنیاتنانی پەیوەندی کۆمەڵایەتی لەگەڵ کەسانی دیکەدا.

PUKMEDIA