سەرۆککۆمار لەگەڵ تیمی یەکێتی لە حکومەتی عیراق کۆبوەوە

راگەیاندنى مەکتەبی سیاسی یەکێتی/بەغداد

وێنەیەکى کۆبوونەوەکە

دکتۆر لەتیف رەشید سەرۆککۆماری عیراق بە ئامادەبونی نزار ئامێدی لێپرسراوی مەکتەبی سیاسی یەکێتیی نیشتمانیی کوردستان لە بەغداد لەگەڵ تیمی یەکێتی لە حکومەتی فیدراڵ کۆبوەوە.

لە میانی دیدارەکەدا سەرۆککۆمار، باسی لە بارودۆخی سیاسی و ئەمنی عیراق و ناوچەکە کرد و بۆ خزمەتکردنی بەرژەوەندی باڵای نیشتمانی، جەختی لە گرنگی پتەوکردنی هاریکاری و هەماهەنگی نێوان دامودەزگاکانی دەوڵەت کردەوە.

ئامادەبووان تەکیدیان،  لە گرنگی و پێگەی بەغدا و رۆڵی سەرەکی لە سەقامگیری وڵات کردەوە،  کە  بناغەی سەقامگیری و پێشکەوتنی عیراقە.

پێویستی چڕکردنەوە و زیادکردنی هەوڵەکان بۆ پێشکەشکردنی خزمەتگوزاری بە هاووڵاتییان و باشترکردنی بارودۆخی ژیانیان وەک ئامانجێکی سەرەکی هەموو سیاسەتەکانی حکومەت جەختی لەسەر کرایەوە.

PUKMEDIA