شەنگالی بریندار كەرنەڤاڵی یەكێتی لە ئامێز دەگرێت

PUKMEDIA

کەرنەڤاڵی سەرخستنی کاندیدانی لیستی ھاوپەیمانی یەکێتی خەڵکی نەینەوا

کەرنەڤاڵی ناساندنی بەشێك لە کاندیدانی لیستی ھاوپەیمانی یەکێتی خەڵکی نەینەوا لە شەنگاڵ بەرێوەچوو، ئەندامێکی سەرکردایەتی یەکێتیش داوا دەکات بە هیمەتی هەموو لایەک لیستی 281 سەربخرێت.

بەئامادەبوونی هەڤاڵان ئاراس محەمەد ئاغا ئەندامی سەرکردایەتی یەکێتی و سەرۆکی هاوپەیمانیی یەکێتی خەڵکی نەینەوا ژمارە (281) ، داود جندی لێپرسراوی مەڵبەندی شەنگاڵ و شێخ ساڵح گەرگەری جێگری مەڵبەند و محەمەد جاسم کاکەیی و ویسام سالم  ئەندامانی ئەنجومەنی پارێزگای نەینەوا لە فراکسیۆنی سەوز و کادران و جەماوەرێکی زۆر لە هەموو چین وتوێژە جیاوازەکان و لایانگرانی لیستی هاوپەیمانیی یەکێتی خەڵکی نەینەوا کەرنەڤاڵی ناساندنی بەشێك لە کاندیدانی لیستی هاوپەیمانیی یەكێتی خەڵکی نەینەوا لە قەزای شەنگاڵ بەرێوەچوو .

لەمەراسیمەکەد ، هەڤاڵ ئاراس محەمەد ئاغا ، جەختی لە بەرێوەچوونی بانگەشەیەکی هێمن و سەردەمیانە کردوە و رایگەیاند ، شەنگاڵ لەلای یەکێتی جێگای بایەخێکی زۆرە بۆیە چاومان لە زۆرترین دەنگی ئەم دەڤەرەیە بۆ لیستی یەكیتی خەڵکی نەینەوا ژمارە (281)،ئەمەش بەهەوڵ و هیمەتی هەموو لایەك دەبێت بۆ سەرخستنی لیستەکەمان و کاندیدانی .

PUKMEDIA