داهاتی مانگانەی نەوتی عیراق بەڕێژەی 7% زیادی كردووە

پەڕەی تایبەتی وەزارەتی نەوتی عیراق

بینای وەزارەتی نەوتی عیراق

وەزارەتی نەوتی عیراق داهاتی مانگی رابردووی بڵاو دەکاتەوە کە زیاتر لە حەوت ملیار دۆلارە و بەپێی ئامارەكە داهاتی مانگی ئاب بەراورد بە مانگی تەمموز بەڕێژەی 7% زیادی كردووە.

وەزارەتی نەوتی عیراق راگەیەندراوێكی بڵاوكردەوە کە کۆپییەکی دەست PUKMEDIA  کەوتوە ئاماژەی بەوەكرد: "كۆی هەناردەكردن و داهاتی نەوتی بەدەست هاتوو بۆ مانگی ئابی رابردوو، بەپێی ئاماری كۆتایی كۆمپانیای بەبازاڕكردنی نەوتی عیراق (سۆمۆ) ، بڕی (104) ملیۆن و (806) هەزار بەرمیل  بووە".

  لە راگەیەندراوەكدا ئاماژە بەوەشكراوە، داهاتە نەوتیەكان لەو مانگەدا زیاتر لە  حەوت ملیار و (160) ملیۆن دۆلار بووە، بەپێی ئامارەكە، كۆی بڕی هەناردەكراوی نەوتی خاو بۆ مانگی ئابی رابردوو لە كێڵگە نەوتییەكانی ناوەڕاست و باشووری عیراق بڕی (103) ملیۆن و (895) هەزار بەرمیل بووە.

هاوكات هەناردەی كێڵگەی قەیارە لە نەینەوا (911) هەزار و (178) بەرمیل بووەو بەپێی ئامارەكەش داهاتی مانگی ئاب بەراورد بە مانگی تەمموز بەڕێژەی 7% زیادی كردووە.

PUKMEDIA