دەرباز كۆسرەت رەسوڵ: گفتوگۆكانی نێوان یەكێتی و پارتی ئەرێنین

راگەیاندنی دەرباز كۆسرەت رەسوڵ

پێشوازی دەرباز كۆسرەت رەسوڵ لە ستیڤن فەیگن هەڵسوڕێنەری كاروباری باڵیۆزخانەی ئەمەریكا لە عیراق

ئەمڕۆ  20ى8ى2025 دەرباز کۆسرەت رەسوڵ ئەندامی مەکتەبی سیاسی و لێپرسراوی مەکتەبی پەیوەندییەکانی یەکێتیی نیشتمانیی کوردستان لەبارەگای مەکتەبی سیاسیی لە شاری هەولێر، پێشوازی کرد لە "ستیڤن فەیگن" هەڵسوڕێنەری كاروباری باڵیۆزخانەی ئەمەریكا لە عیراق.

لە دیدارێکدا کە "وێندی گرین"  كونسوڵی گشتیی ئەمەریكا لە هەرێمی کوردستان ئامادەی بوو، باس لە بارودۆخی ئێستای ناوچەکە و پەیوەندی نێوان هێز و لایەنە سیاسییەکان و پەیوەندییەکانی نێوان حکومەتی عیراق و هەرێمی کوردستان کرا.

هەڵبژاردنی داهاتووی ئەنجومەنی نوێنەرانی عیراق و مووچە و کێشەکانی نێوان هەولێر و بەغدا و هەناردەکردنەوەی نەوتی هەرێم گفتوگۆیان لەبارەوە کرا، دەرباز کۆسرەت رەسوڵ رایگەیاند: "مووچە و قووتی خەڵک جیابکرێتەوە لە موزایەدەی سیاسیی و بانگەشەی هەڵبژاردن".

پرسی پێکهێنانی کابینەی دەیەمی حکومەتی هەرێمی کوردستان تەوەرێکی دیکەی گفتوگۆکان بوو، دەرباز کۆسرەت رەسوڵ جەختی لەوەکردەوە کە، گفتوگۆکانی نێوان یەکێتی و پارتی ئەرێنین و بە ئاراستەی لێکتێگەیشتنی هاوبەشە.


PUKMEDIA