ئەنجومەنی وەزیران بۆ مووچە و هەناردەکردنەوەی نەوت کۆدەبێتەوە

ئەرشیف

کۆبوونەوەی ئەنجومەنی وەزیران

ئەمڕۆ چوارشەممە، 30ی تەمووزی 2025، ئەنجومەنی وەزیران، بۆ تاووتوێکردنی سێ بڕگە کۆدەبێتەوە.

لە بڕگەی یەكەمی کۆبوونەوەکەدا، بەدواداچوون بۆ دواهەنگاوەکانی خەرجکردنی مووچەی هەردوو مانگی حوزەیران و تەمووزی 2025 دەکرێت و لە بڕگەی دووەمدا بابەتی دەستپێکردنەوەی هەناردەکردنی نەوتی هەرێم، لەبەر رۆشنایی دوابڕیاری هاوبەشی حکومەتی هەرێم و ئەنجومەنی وەزیرانی حکومەتی فیدراڵ تاووتوێ دەکرێت.

هاوکات، لە بڕگەی سێیەمدا چەند پێشنیارێکی وەزارەتی پێشمەرگە سەبارەت بە خزمەت و خانەنشینی هێزەکانی پێشمەرگە و مووچە و شایستە داراییەکانیان، گفتوگۆی لەبارەوە دەکرێت.

PUKMEDIA