فڕۆكه‌یه‌كی رووسیا به‌ 49 سه‌رنشینه‌وه‌ كه‌وته‌خواره‌وه‌

ئاژانسەکان

وێنەى فڕۆکەیەکى رووسی

ئه‌مڕ‌ۆ 24ی7ی2025  فڕ‌‌ۆكه‌یه‌كی نه‌فه‌رهه‌ڵگری ر‌ووسی An‐24 بێسه‌روشوێنبوو و دواتر به‌تێكشكاوی دۆزراییه‌وه‌ و سه‌رجه‌م سه‌رنشینه‌كان و تیمی ده‌سته‌ی فڕ‌ۆكه‌وانیش گیانیان له‌ده‌ستدا.

ئاژانسی رۆیته‌رز بڵاویكرده‌وه‌، كه‌ فڕ‌‌ۆكه‌كه‌ له‌هێڵی ئاسمانی ئه‌نگارا كاری كردوه‌ و له‌كاتی نزیكبوونه‌وه‌ی له‌ تێندای هه‌رێمی عه‌مور، نزیك سنووری چین، كه‌ ته‌نها چه‌ند كیلۆمه‌ترێك له‌ شوێنی مه‌به‌سته‌وه‌ دووربووه‌، په‌یوه‌ندی له‌گه‌ڵ كۆنترۆڵی هاتوچۆی ئاسمانیدا پچڕاوه‌.

ئاماژه‌ی به‌وه‌شداوه‌: "فڕ‌‌ۆكه‌كه‌ 49 سه‌رنشینی هه‌ڵگرتبوو له‌ناویاندا پێنج منداڵ تێدابوو، له‌گه‌ڵ شه‌ش ئه‌ندامی تیمی فڕ‌‌ۆكه‌وانی"، دوای هه‌ڵمه‌تی گه‌ڕ‌انیش به‌دوایدا، وه‌زاره‌تی فریاكه‌وتنی رو‌وسیا ر‌ایگه‌یاند: "فڕ‌ۆكه‌یه‌كی نه‌فه‌رهه‌ڵگریان به‌ سوتاوی له‌ نزیكی تێندا دۆزیوه‌ته‌وه‌".

به‌گوێره‌ی راگه‌یه‌نراوه‌كه‌ی وه‌زاره‌تی فریاكه‌وتنی رو‌وسیا: "هه‌ر  49 كه‌سه‌كه‌ گیانیانله‌ده‌ستداوه‌"هاوكات ئاژانسی هه‌واڵی تاس بڵاوكرده‌وه‌ته‌وه‌:" لیژنه‌ی فڕ‌‌ۆكه‌وانی شارستانی رو‌وسیا لێكۆڵینه‌وه‌ی له‌ باره‌ی كه‌وتنه‌خواره‌وه‌ی فڕ‌‌ۆكه‌كه‌ له‌ هه‌رێمی عه‌مور ده‌ستپێكردووه‌".

PUKMEDIA