riklam

وادەی تۆمارکردنی لیست و هاوپەیمانییەکان بۆ پەرلەمانی کوردستان درێژکرایەوە

کوردستان 12:26 PM - 2024-06-13
پەرلەمانی کوردستان PUKMEDIA

پەرلەمانی کوردستان

هەڵبژاردن

کۆمسیۆنی باڵای سەربەخۆی هەڵبژاردنەکانی عیراق وادەی تۆمارکردنی لیست و هاوپەیمانێتی و کاندیدانی بۆ ماوەی ١٠ رۆژ درێژکردەوە.

جومانە غەلای وتەبێژی کۆمسیۆنی باڵای سەربەخۆی هەڵبژاردنەکانی عیراق بە وێبسایتی رەسمیی یەکێتی نیشتمانیی کوردستان PUKMEDIA ی راگەیاند:" ئەنجومەنی کۆمسیاران بڕیاریدا وادەی ناو تۆمارکردن بۆ حزب و هاوپەیمانێتی کاندیدان بۆ هەڵبژاردنی خولی شەشەمی پەرلەمانی کوردستان تا ٢٤-٦-٢٠٢٤ درێژبکاتەوە".

هەر لەوبارەیەوە ئەحمەد ئەیاد عوبەیدی یاریدەدەری بەڕێوەبەری گشتی بەشی حزبەکان لە کۆمسیۆنی باڵای سەربەخۆی هەڵبژاردنەکانی عیراق بە وێبسایتی رەسمیی یەکێتی نیشتمانیی کوردستان PUKMEDIA ی راگەیاند:" ژمارەیەکی زۆر لە کاندیدی حزبە تورکمانی و مەسیحییەکان بەمەبەستی خۆتۆمارکردن روویان لە کۆمسیۆن کردووە، بۆ بەشداریکردن لە هەڵبژاردنی پەرلەمانی کوردستان".

" هاوکات ژمارەیەک کاندیدی سەربەخۆ و کۆتا لە بازنەکانی هەولێر و سلێمانی و دهۆک ناوی خۆیان لە کۆمسیۆن تۆمارکردووە بەمەبەستی بەشداریکردن"، ئەحمەد ئەیاد وایوت.

بڕیاربوو ئەمڕۆ 13/6/2024 دەرگای تۆمارکردنی لایەنە سیاسییەکان بۆ هەڵبژاردنی خوولی پەرلەمانی کوردستان دابخرێت، بەڵام کۆمسیۆن وادەکەی بۆ ماوەی ١٠ رۆژ درێژکردەوە، ئەمەش لەکاتێکدایە پێشتریش بۆ ماوەی ٦ رۆژ وادەکەی درێژکردبووە وە.

 

PUKMEDIA

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket