کۆمسیۆن جارێکی دیکە دەرگای ناوتۆمارکردن دەکاتەوە

PUKMEDIA

لۆگۆی كۆمسیۆنی هەڵبژاردنەکانی عیراق

كۆمسیۆنی باڵای سەربەخۆی هەڵبژاردنەکانی عیراق، بۆ ماوەی ٥ رۆژ جارێکی دیکە دەرگا بەڕوی کاندیدان و هاوپەیمانییەتییەکان و پێکهاتەکاندا دەکاتەوە.

کۆمسیۆن ماوەی ٥ رۆژ دیاریدەکات

جومانە غەلای وتەبێژی کۆمسیۆنی باڵای سەربەخۆی هەڵبژاردنەکانی عیراق بەوێبسایتی رەسمیی یەکێتیی نیشتمانیی کوردستان PUKMEDIA ی راگەیاند:" کۆمسیۆن بڕیاریدا جارێکی دیکە لەرۆژی ٨-٦-٢٠٢٤ بۆ ١٣-٦-٢٠٢٤ دەرگا بەڕوی کاندیدان بۆ خۆتۆماردکردن بکاتەوە، هاوکات حزب و هاوپەیمانێتییەکانیش دەتوانن لەو وادەیەدا ناوی خۆیان تۆماربکەن".

"کۆمسیۆن ماوەی ٥ رۆژی دیاریکردووە کە کاندیدانی سەربەخۆ و حزب و هاوپەیمانی و پێکهاتەکان ناوی خۆیان تۆماربکەن".

تەنها دوو هاوپەیمانێتی و 10 حزب ناویان تۆمارکردووە

پێشتر لەو وادەیەی سەرۆکی هەرێمی کوردستان بۆ هەڵبژاردنی پەرلەمانی کوردستان دیاریکردبوو، کە ١٠-٦-٢٠٢٤ بوو، دوو هاوپەیمانێتی و 10 حزب و 54 کاندیدی سەربەخۆ ناویان تۆمار کردبوو تاوەکو لەبازنەکانی هەڵبژاردن بەشداربن.


ئەمەش لەکاتێکدایە، رۆژی ٢٩-٥-٢٠٢٤ کۆمسیۆنی باڵای سەربەخۆی هەڵبژاردنەکانی عیراق بەنوسراوی رەسمیی داوای لەسەرۆکایەتی هەرێم کرد، کە رۆژێک بۆ هەڵبژاردنی گشتی پەرلەمانی کوردستان دیاریبکات، هاوکات وەک پێشنیارێکیش کۆمسیۆن رۆژی ٥-٩-٢٠٢٤ی وەک رۆژی هەڵبژاردنی گشتی پەرلەمانی کوردستان دیاریکردبوو.