قوباد تاڵەبانی: دژە تیرۆر، هێزێکی تۆکمە و بە ئەزمونە
کوردستان 02:38 PM - 2024-05-23![سەردانی قوباد تاڵەبانی بۆلای هێزەکانی دژە تیرۆر](https://images.pukmedia.com/root/KS/132352024_647.jpg)
سەردانی قوباد تاڵەبانی بۆلای هێزەکانی دژە تیرۆر
قوباد تاڵەبانی، جێگری سەرۆک وەزیران، رۆژی پێنج شەممە ( ٢٣ی ئایاری ٢٠٢٤) لە سلێمانی سەردانی فەرماندەیی هێزەکانی دژە تیرۆری کوردستانی کرد و لەلایەن وەهاب هەڵەبجەیی، فەرماندەی دژە تیرۆرەوە پێشوازی لێکرا.
لە کۆبوونەوەیەکدا کە فەرماندەکانی دژە تیرۆر و ژمارەیەکی بەرچاو لە ئەندامان هێزەکە ئامادەی بوون، قوباد تاڵەبانی بەناوی حکومەتی هەرێمی کوردستانەوە سوپاسی هێزەکانی دژە تیرۆری کرد لەپای ماندووبوون و قوربانیدانیان بۆ پاراستنی ئاسایش و سەقامگیری کوردستان.
دژە تیرۆر هێزی رۆژە سەختەکانە
وتیشی: "رەنگە بەهۆی نهێنی بوونی زۆربەی ئۆپەراسیۆنەکانی دژە تیرۆرە رای گشتی کەمتر ئاگاداری ئۆپەراسیۆن و گیانبازی و قارەمانێتی ئەندامانی دژەتیرۆر بێت، بەڵام لە سەرووی هەموومانەوە سەرۆک بافڵ، سەرۆکی یەکێتی و بەندە و هێزەکانی هاوپەیمانانیش ئاگاداری وردەکاری ئۆپەراسیۆنەکانین، دەزانین کە دژە تیرۆر هێزی رۆژە سەختەکانە و نەک هەر بۆ کوردستان، بەڵکو بۆ پاراستنی ئاسایش و سەقامگیری عێراق و ناوچەکەش پێویستن".
لە بەشێکی دیکەی وتەکانیدا، جێگری سەرۆک وەزیران، جەختی کردەوە لەسەر پێویستیی بەردەوامبوونیان لە راهێنان و خۆبەهێزترکردن و داوایکرد بە هیچ جۆرێک رێگە نەدەن جەنگی دەرونی و بانگەشەی نەیارەکان کاریگەری لەسەر ئیرادەی ئەم هێزە هەبێت. وتیشی: دڵنیابن هیچ جەنگێکی دەرونی و تۆمەت و ناوزڕاندنێکی نەیاران، ناتوانێت پێگە و رێز و خۆشەویستی هێزەکانی دژەتیرۆر لەناو خەڵکدا خەوشداربکات.
قوباد تاڵەبانی: دژەتیرۆر خۆی لەگەڵ هەڕەشە نوێیەکان بگونجێنێت
لە بەشێکی دیکەی وتارەکەیدا، قوباد تاڵەبانی ئاماژەی بەوەدا کە ئێمە لە ناوچەیەکی نا ئارام و ناسەقامگیرداین و بەردەوام جۆری هەڕەشە و مەترسییەکان گۆڕانکاری بەسەردا دێت، هەربۆیە پێویستە هێزە ئەمنییەکانی کوردستان و بە تایبەتیش هێزی دژەتیرۆر بە بەردەوامی خۆی لەگەڵ هەڕەشە نوێیەکان بگونجێنێت، وتیشی؛ دژە تیرۆر ئەو هێزە تۆکمە و بە ئەزمونەیە کە لە قۆناغی جیاوازدا سەلماندوویەتی خۆی لەگەڵ بارودۆخی نوێ و هەڕەشە و مەترسی نوێدا بگونجێنێت.
راشیگەیاند، هاوپەیمانان و دۆستانمان سەرسامن بە توانای هێزەکانی دژەتیرۆر، هەربۆیە خواستێکی زۆریان هەیە بۆ ئۆپەراسیۆن و کاری هاوبەش لەگەڵ دژەتیرۆردا و ئەمەش شانازییەکی گەورەیە بۆ ئەم هێزە.
لە کۆتایی قسەکانیدا، قوباد تاڵەبانی وێڕای ستایشی تایبەتی وەهاب هەڵەبجەیی و کۆی هێزەکە بەگشتی، پشتگیری تەواوی خۆی و سەرۆکی یەکێتی بۆ هێزەکانی دژە تیرۆر دەربڕی و داوای لە فەرماندەکانی ئەو هێزە کرد، لەپێناو باشتر بەرەنگاربوونەوەی تیرۆر و مەترسییە جۆراوجۆرەکان، ئاستی هەماهەنگی لەگەڵ هاوپەیمانان و هێزە ئەمنییەکانی دیکەی کوردستان و عێراق بەرزتر بکەنەوە.
قوباد تاڵەبانی دوو براندی جیهانی لەسلێمانی بەسەرکردەوە
پێشتریش قوباد تاڵەبانی، جێگری سەرۆک وەزیران بە یاوەری مارک سترۆ، کونسوڵی گشتیی ئەمریکا لە هەرێم و ژمارەیەک لە بەڕێوەبەرەکانی پارێزگای سلێمانی، ئەمڕۆ ٢٣ی ئایار، هەردوو براندی جیهانی ئاشلی و بەرگەرکینگی بەسەرکردەوە.
جێگری سەرۆک وەزیران، خۆشحاڵی خۆی بە کردنەوەی ئەم دوو براندە جیهانییە لە سلێمانی دەربڕی و رایگەیاند: "جگە لەوەی کە هەردوو براندەکە ژمارەیەکی بەرچاو هەلی کاریان رەخساندووە و هۆکارێکن بۆ برهێزکردنی ژێرخانی ئابوری و کەرتی تایبەت، رێگەخۆشکەریش دەبن بۆ ئەوەی لە داهاتوودا کۆمپانیا و براندە جیهانییەکانی دیکەش روو بکەنە سلێمانی و ئەمەش کاریگەری دەبێت لەسەر باشتربوونی دۆخی ئابوری شاری سلێمانی و هەرێمی کوردستان بە گشتی".
مارک سترۆ، کونسوڵی گشتیی ئەمریکاش لە وتەیەکدا سوپاسی جێگری سەرۆک وەزیرانی کرد بۆ پشتگیریکردنی کردنەوەی براندی ئاشلی لە سلێمانی و رایگەیاند: "کردنەوەی ئەم براندە لە سلێمانی لە چوارچێوەی بایەخپێدانی ئەمریکادایە بۆ هەرێمی کوردستان و پەیوەندیی بازرگانی نێوان ئەمریکا و هەرێم بەهێزتر دەکات".
PUKMEDIA
هەواڵی زیاتر
-
کۆماندۆی کوردستان حەشارگەکانی تیرۆریستان خاپور دەکات
08:11 PM - 2024-06-25 -
دەزگای ئاسایشی هەرێم چوار قاچاخچی بازرگانیکردن بە مرۆڤ دەستگیر دەکات
04:19 PM - 2024-06-25 -
سودانی دەستەی راوێژکاری ئیدارەی کەرکوکی هەڵوەشاندەوە
10:52 AM - 2024-06-25 -
بە بڕیاری سەرۆککۆماری عیراق ١٢ هەزار دەستگیركراو ئازاد دەکرێن
10:04 AM - 2024-06-25
ئەمانەش ببینە
راپۆرتی رێكخراوی پهیامنێران: زۆرترین پێشێلكاری بهرامبهر رۆژنامهنووسان لهههولێر بووه
01:14 PM - 2024-06-25
رزگار حاجی حەمە: ئەرکی سەرۆکی هەرێمە بە هەڵبژاردن قەوارەکەمان بپارێزێت
12:23 PM - 2024-06-25
سەرۆک بافڵ: یەکێتی ئامادەی هەڵبژاردنە و لەگەڵ دواخستندا نییە
08:14 PM - 2024-06-24
وادەی ناوتۆمارکردنی حزب و هاوپەیمانێتی و کاندیدەکان درێژکرایەوە
01:03 PM - 2024-06-24
زۆرترین خوێنراو
-
کۆماندۆی کوردستان حەشارگەکانی تیرۆریستان خاپور دەکات
کوردستان 08:11 PM - 2024-06-25 -
دەزگای ئاسایشی هەرێم چوار قاچاخچی بازرگانیکردن بە مرۆڤ دەستگیر دەکات
کوردستان 04:19 PM - 2024-06-25 -
قوباد تاڵەبانی: هیچ پاساوێک نەماوە بۆ دواخستنی هەڵبژاردن
کوردستان 03:03 PM - 2024-06-25 -
راپۆرتی رێكخراوی پهیامنێران: زۆرترین پێشێلكاری بهرامبهر رۆژنامهنووسان لهههولێر بووه
کوردستان 01:14 PM - 2024-06-25 -
رزگار حاجی حەمە: ئەرکی سەرۆکی هەرێمە بە هەڵبژاردن قەوارەکەمان بپارێزێت
کوردستان 12:23 PM - 2024-06-25 -
سودانی دەستەی راوێژکاری ئیدارەی کەرکوکی هەڵوەشاندەوە
کوردستان 10:52 AM - 2024-06-25 -
پەیامی هاوخەمی کۆسرەت رەسوڵ بۆ بێستون سابووراوایی
پرسەنامە 10:09 AM - 2024-06-25 -
بە بڕیاری سەرۆککۆماری عیراق ١٢ هەزار دەستگیركراو ئازاد دەکرێن
عیراق 10:04 AM - 2024-06-25