نمەباران و باران بارین دەستپێدەكاتەوە

PUKMEDIA

کەشوهەوا

كەشناسی هەرێم رایدەگەیەنێت: نمەباران و باران بارین دەستپێدەكات و لەناوچە شاخاوییە سنوورییەكانیش بەفر دەبارێت.

بەڕێوەبەرایەتی كەشناسی و بومەلەرزەزانی هەرێم، كەشی پێشبینیكراوی 48 سەعاتی داهاتووی بڵاوكردەوەو بەپێی پێشبینییەكان، ئەمڕۆ  پێنج شەممە 26ی 2ی 2026، ئاسمان نیمچە هەور دەبێت پاشان دەگۆڕێت بۆ هەوری تەواو، هاوكات نمەباران لەسنووری پارێزگای دهۆك و ئیدارەی زاخۆ دەست پێدەكات و پاشان كاریگەری باران بارین درێژ دەبێتەوەو نمە باران و بارانی مامناوەند لەسنووری پارێزگای هەولێرو ئیدارەی سۆران دەبارێت.

راشیگەیاندووە: لەكاتەكانی شەودا  رێژەی دابارین زیاد دەكات و لە زۆربەی ناوچەكانی هەرێم باران دەبارێت،  هاوكات لەناوچە شاخاوییە سنوورییەكان كەمێك بەفر دەبارێت.

هاوكات بەرزترین پلەكانی گەرمای پێشبینیكراو بۆ ئەمڕۆ بەمشێوەیە دەبێت:

هەولێر 17 پلەی سیلیزی 
پیرمام 13 پلەی سیلیزی
سۆران 14 پلەی سیلیزی 
حاجی ئۆمەران 5 پلەی سیلیزی 
سلێمانی 17  پلەی سیلیزی 
چەمچەماڵ 18 پلەی سیلیزی
دهۆك 16 پلەی سیلیزی
زاخۆ 17 پلەی سیلیزی 
هەڵەبجە : 20 پلەی سیلیزی
گەرمیان  : 23 پلەی سیلیزی

هەر بەپێی پێشبینییەكانی كەشناسی، سبەی  هەینی   27ی 2ی 2026، ئاسمان هەوری تەواو دەبێت و نمەباران و بارانی مامناوەند بە پچڕپچڕی لەزۆربەی ناوچەكان دەبارێت هەروەها لەناوچە سنوورییەكان و ناوچە شاخاوییە بەرزەكان بەفر دەبارێت .

كەشناسی راشیگەیاندووە: پلەكانی گەرما بە نزیكی  4 - 5  پلە نزم دەبنەوە، هاوكات لەناوچە شاخاوییەكانیش پلەكانی گەرما 6 - 7  پلە نزم دەبنەوە.

بەرزترین پلەكانی گەرمای پێشبینیكراو بۆ سبەی  بەمشێوەیە دەبێت:

هەولێر 12 پلەی سیلیزی 
پیرمام 8 پلەی سیلیزی
سۆران 7 پلەی سیلیزی 
حاجی ئۆمەران 0 پلەی سیلیزی 
سلێمانی 10  پلەی سیلیزی 
چەمچەماڵ 12 پلەی سیلیزی
دهۆك 10 پلەی سیلیزی
زاخۆ 12 پلەی سیلیزی 
هەڵەبجە : 13 پلەی سیلیزی
گەرمیان  : 16 پلەی سیلیزی

PUKMEDIA