ڕفعەت عەبدوڵڵا: زمانی کوردی یەکێکە لەزمانە دەوڵەمەندەکان

رفعەت عەبدوڵڵا

زمانی کوردی یەکێکە لەزمانە دەوڵەمەندەکان

ڕفعەت عەبدوڵڵا جێگری سەرۆکی یەکێتیی نیشتمانیی کوردستان، بەبۆنەی ڕۆژی جیهانی زمانی دایک، پیرۆزبایی لەسەرجەم کوردستانیان دەکات و راشیدەگەیەنێت: زمانی شیرینی کوردی، یەکێکە لەزمانە دەوڵەمەند و زیندووەکان.

دەقی پەیامەکەی ڕفعەت عەبدوڵڵا:

بەبۆنەی ڕۆژی جیهانی زمانی دایک، پیرۆزبایی لەسەرجەم کوردستانیان دەکەم، ئومێدەوارم ئەم یادە دەرفەتێک بێت بۆ  گەشەکردن و پەرەپێدانی زیاتر بەزمانی شیرینی کوردی.
سەرەڕای نکوڵیکردن و دژایەتیکردنی، بەشانازییەوە زمانی شیرینی کوردی، یەکێکە لەزمانە دەوڵەمەندو زیندوەکان و پێویستە لەسەر هەمووان بەتایبەت ناوەندە ئەکادیمی و پەروەردەیی و فەرهەنگیەکان، وەک ئەرکێکی نیشتمانی، لەهەوڵی پاراستن و گەشەی زمانی کوردیدابین وەک شوناسێکی نەتەوەیی و ڕەمزی مانەوەی گەلەکەمان، هەتا ببێتە مایەی زیاتر قوڵکردنەوەی یەکێتی نەتەوەییمان.

ڕفعەت عەبدوڵڵا
جێگری سەرۆکی یەکێتیی نیشتمانیی کوردستان

PUKMEDIA