نرخی نەوت بەرێژەیەکی بەرچاو بەرزبووەوە

PUKMEDIA

بەرزبوونەوەی نرخی نەوت

نرخی نەوتی خاوی برێنت بۆ بەرزترین ئاستی لە ماوەی هەشت مانگی ڕابردودا بەرزبوەوە و بۆ هەر بەرمیلێک بۆ نزیکەی 72 دۆلار بەرزبووەوە.

لەگەڵ کردنەوەی بازاڕەکان، نرخی نەوت لە بازاڕەکانی جیهان بەرزبوونەوەی بەخۆیەوە بینی و بەشێوەیەک   نرخی نەوتی خاوی برێنت 10 سەنت بە ڕێژەی 0.14% بەرزبوەوە و گەیشتە 71.76 دۆلار، هاوکات نەوتی خاوی ڕۆژئاوای تەکساسی ئەمریکیش بە ڕێژەی چوار سەنت کە دەکاتە 0.06% دابەزی و گەیشتە 66.39 دۆلار.

 هۆکاری بەرزبوونەوەی نرخی نەوت، بۆ ئاڵۆزبوونی زیاتری پەیوەندییەکانی نێوان ئەمریکا و ئێران و هەڕەشەی داخستنی گەرووی هورمز دەگەڕێتەوە، ئەمە جگە لەوەی باس لەوە دەکرێت نەوتی کۆگاکراوی ئەمریکا، نزیکەی نۆ ملیۆن بەرمیل نەوت کەمی کردووە.

PUKMEDIA