ئەنجومەنی نوێنەران سێ تەوەر تاوتوێ دەکات

راگەیاندنی ئەنجومەنی نوێنەران

دانیشتنی ئەنجومەنی نوێنەران

بڕیارە ئەمڕۆ 17ی 2ی 2026، ئەنجومەنی نوێنەرانی عیراق، لە دانیشتنی ئاسایی خۆیدا  دەنگ لەسەر پەیڕەوی ناوخۆ و ناوی ئەندامانی لیژنە هەمیشییەکان بدات و بەرپرسیارێتی لیژنەکانیش دیاری بکات.

بەپێی کارنامەی دانیشتنی ژمارە (10)، کە لەلایەن فەرمانگەی راگەیاندنی ئەنجوومەنی نوێنەرانەوە بڵاوکراوەتەوە، بڕگەی یەکەمی کارنامەکە تایبەت دەبێت بە دەنگدان لەسەر پەیڕەوی ناوخۆی هەموارکراوی تایبەت بە لیژنەکان.

هەروەها لە بڕگەی دووەمدا دەنگ لەسەر ئەندامانی لیژنەکان دەدرێت و بەرپرسیارێتی و ئەرکی  لیژنەکان دیاری دەکرێت.

دانیشتنەکە، سەعات 11ی بەیانی دەست پێدەکات و بڕگەی کۆتایی گفتوگۆی گشتی دەبێت.

PUKMEDIA