عیراق لێکۆڵینەوەی لەگەڵ زیاتر لە 500 تیرۆرستدا تەواو کردووە

میدیاکان

لێکۆڵینەوە لە تاوانی چەکدارێکی داعش

دادگای لێكۆڵینەوەی كەرخ لە بەغداد رایگەیاند، لێكۆڵینەوەی سەرەتایی لەگەڵ زیاتر لە 500 تیرۆریستی داعش تەواو كراوە كە بەم دواییە لە سووریاوە گواستراونەتەوە بۆ عیراق.

ئاماژەی بەوەشکردووە: لەناو ئەو دەستگیركراوانەدا، 157 مێردمنداڵی خوار تەمەن 18 ساڵ جیاكراونەتەوە بۆ ئەوەی بەپێی یاسا مامەڵەیان لەگەڵدا بكرێت.

بەپێی ئامارەكانی وەزارەتی داد، ئێستا پێنج هەزار و 704 زیندانی داعش هێنراونەتە عیراق كە زۆرترینیان سورین و ژمارەیان زیاتر لە سێ هەزار و 540 كەسە، دوای ئەوانیش توركیا، مەغریب و میسر دێن و بەوتەی فەرماندەیی ناوەندیی ئەمریكا لە ماوەی 23 پرۆسەكە رۆژدا كۆتایی هاتووە.

هاوكات ئەنجومەنی باڵای دادوەری عیراق دووپاتی كردووەتەوە كە پڕۆسەی دادگاییكردنی تیرۆریستان بەردەوامە، بەغداش داوا لە كۆمەڵگەی نێودەوڵەتی دەكات بەرپرسیارێتی لە داعشە بیانیەكان لە ئەستۆ بگرێت و بگەڕێندرێنەوە وڵاتانی خۆیان و لەوێ دادگایی بكرێن.

PUKMEDIA